पथरीशनिश्चरे /मोरङको पथरी शनिश्चरे नगरपालिका कार्यालयले कोरोना भाइरसको संक्रमणको नियन्त्रण अभियान अन्तरगत नगरवासीलाइ घर बाहिर ननिस्किन अनुरोध गर्दै आज निरन्तर अनुगमन गरेको छ ।
नगर उपप्रमुख एवम अनुगमन समिति संयोजक यमुना बिष्ट बास्तोलाको अगुवाइमा इलाका प्रहरी कार्यालय पथरी सहितको टोलीले शनिबार नगर लकडाउनको अवस्था र अत्त्यावश्यक बस्तुको उपलब्धताका बारेमा अनुगमन गरेको हो ।
यसक्रममा, सामान्य काममा समेत बाहिर हिड्डुल गर्नेहरुलाइ सम्झाउदै कोरोनाको संक्रमणबाट आफू पनि बाच्न र अरुलाइ पनि बचाउन निर्देशात्मक अनुरोध गरिएको समिति संयोजक बास्तोलाले जनाइन । मास्क नभएकाहरुलाइ मास्क प्रदान गर्दै अत्यन्तै सचेत रहन आग्रह गरिएको छ ।
टोलीले बजारमा खाद्यान्न र ग्यासको अवस्थाको पनि अनुगमन गरेको छ । खाद्यान्नको अभाब नभएको साथै ग्यास पनि आउदै गरेको पाइएको छ । कन्काइको केही ग्यास आएको र रिजालको ग्यास पनि आइतबार आइपुग्ने उल्लेख छ ।
औषधि, खाद्यान्न सहितका अत्त्यावश्यक बस्तुको उपलब्धताका लागि पथरी उद्योग वा िणज्य संघ सङगको सहकार्य अघिबढाइएको छ ।
