'नेपालमा कोरोना भाइरसको सङ्क्रमण भेटियो’

alt
  • माघ ११, २०७६
  • रासस

काठमाडाै । नेपालमा कोरोना भाइरसको सङ्क्रमण भेटिएको छ । स्वास्थ्य तथा जनसङ्ख्या मन्त्रालयले हिजाे आयोजना गरेको पत्रकार सम्मेलनमा चीनबाट नेपाल आएका एक विद्यार्थीको स्वास्थ्य परीक्षण गर्दा कोरोना भाइरसको सङ्क्रमण भेटिएको पुष्टि भएको जनाएको छ ।

मन्त्रालयद्वारा जारी विज्ञप्तिमा भनिएको छ, “चीनको युवान क्षेत्रबाट नेपालमा आएका एक व्यक्तिलाई प्रारम्भिक जाँच गरी सोको निश्चित निदानका लागि डब्लुएचओ कोल्याबोरेटिङ सेन्टर हङकङमा पठाइएकोमा जाँच पोजेटिभ आएको र हाल उक्त व्यक्ति लक्षणविहीन रहेको र प्रत्यक्ष निगरानीमा रहेको जानकारी गराउँछौँ, यसबारे इपिडिमियोलोजी तथा रोग नियन्त्रण महाशाखाले सघन निगरानी तथा विस्तृत अध्ययन गरिरहेको छ ।” बिरामीका नजिकमा आएकाको खोजी गरी पहिचान तथा परीक्षणको काम भइरहेको र त्यसबारे अन्तर्राष्ट्रिय स्वास्थ्य नियमावलीका प्रावधानअनुसार विश्व स्वास्थ्य सङ्गठनलाई चाँडै विस्तृत जानकारी गराउने मन्त्रालयले जनाएको छ ।

अहिले कोरोना भाइरस सङ्क्रमित बिरामी आउन सक्ने स्थानमा तयारी र सतर्कता अपनाइएको छ । त्रिभुवन विमानस्थलमा रहेको हेल्थ डेस्कको क्षमता बढाएर उपयुक्त जनशक्ति र उपकरणसहित नेपाल भित्रने शङ्कास्पद बिरामीको निगरानी भइरहेको पनि मन्त्रालयले जनाएको छ ।

कोरोना भाइरसका लक्षणहरूः

१. ज्वरो आउनु।

२. श्वास प्रश्वासमा समस्या देखिनु।

३. निमोनिया हुनु।

४. खोकी लाग्नु।

५. टाउको दुख्नु।

बच्ने उपायः

१. खोक्दा हाँच्छिउ गर्दा रूमालको प्रयोग गर्ने।

२. रूघाखोकीबाट सङ्‌क्रमित व्यक्तिबाट टाढै रहने।

३. अत्यधिक भीडभाडमा जाँदा अनिवाय माक्सको प्रयोग गर्ने।

४. सार्वजनिक स्थानहरूमा जथाभावी हातले नछुने।

५. सरसफाइमा विशेष ध्यान दिने।

सुनिहाङ्गा मृत्यू प् ...

विजयपुर । भाद्र २२ गते आफ्नै कोठामा मृत फेला परेकी धरान ...

प्याजमा कालोबारी गर् ...

विराटनगर । प्याजमा कालोबजारी गरेको आरोपमा विराटनगरका दु ...

२ जनाको हत्या गरी भा ...

धरान । तेह्रथुममा दुई जनाको हत्या गरी भागेका एक व्यक्ति ...

धरान ८ मा एक महिला म ...

ब्लाष्टखबर । धरान ८ मा एक महिला मृत फेला परेकी छिन् । ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved