धरान / बैशाखमा आयोजना हुने २५ औं मिस नेपालको लागि प्रतियोगीहरु छनौट गर्न आयोजक हिडन ट्रेजरले आगामी चैत्र ५ गते मंगलबार धरानमा मिस नेपाल २०१९ को अडिसन गर्ने भएकाे छ ।
प्लस २ पास युवतीहरुले भाग लिन पाउने मिस नेपाल २०१९ को अडिसन अघि धरान र इटहरीको कलेजहरुमा मिस नेपाल २०१८ सहित कलेज एक्टिभेशन गरिने अायाेजकले बताएकाे छ । चैत्र ४ गते मिस नेपाल तथा सौन्दर्य प्रतियोगिता र यसबाट लिन सकिने फाइदाको बारेमा निशुल्क क्लास समेत दिने हिडन ट्रेजरको निर्देशक प्रमोद कंसाकारले बताए । अडिसन सोहि दिन निशुल्क फारम भरेर दिन सकिनेछ ।
