‘छक्का पञ्जा २’ को सफलतापछि हौसिएका दिपक दीपाले यसअघि नै छक्का पञ्जा ३ को घोषणा गरिसकेका छन् ।
बैसाख १७ गतेबाट फ्लोरमा जाने तयारीमा रहेको यस सिक्वेलको स्क्रिप्टको काम सकिएको छ भने आउँदो दशैंको, फूलपातीलाई रिलिज मितीसमेत लक गरिसकेको छ । दीपा श्री कै निर्देशन रहने ‘छक्का पञ्जा ३’ मा मुख्य कलाकारहरुको छनौट भईसकेको छ ।
चलचित्रमा ‘वडा नम्बर ६’ बाट दिपक दीपाको प्रिय बनेकी प्रियंका कार्की दोहोरिने चर्चा पनि छ । तर दिपक दीपा अर्काे नायिकाको खोजीमा पनि रहेको बुझिएको छ । यो टिमले ‘छक्का पञ्जा ३’ मा नयाँ नायिका राख्न लागेको चर्चा यति बेला छ ।
यस पटक ‘छक्का पञ्जा ३’ मा नायिकाको रोल पावरफूल रहेको दीपाको भनाई छ । त्यसैले पनि नायिका चयनका लागि आफुहरुले हतार नगरेको दीपा बताउँछिन् ।
