धरान/व्यवस्थापिका संसदको बैठक बुधबारसम्मको लागि स्थगित भएको छ । संसदमा मंगलबार प्रधानमन्त्री पुष्पकमल दाहालले सम्बोधन गर्दै राजिनामा समेत बुझाउने तयारी गरेका थिए । तर, प्रतिपक्ष एमालेले बैठक अवरुद्ध गरेपछि केही समयको लागि संसद बैठक सारिएको थियो । तर, पुनः सहमति जुट्न नसक्दा भोलीको लागि बोलाइएको छ । मंगलबार बिहान ११ बजे बोलाइएको बैठक अपरान्ह ३ र ५ बजे भन्दै सूचना टाँस गरिएको थियो । तर, साँझ ५ बजेसम्म पनि दलहरुबीच सहमति जुट्न नसक्दा बैठकको सयम ७ बजेसम्मको लागि सारिएको थियो । अन्ततः सूचना टाँस गर्दै बुधबारसम्मको लागि बैठक स्थगित गरिएको बताइएको छ । संसद्को बैठकमा प्रधानमन्त्री पुष्पकमल दाहाल ‘प्रचण्ड’ले विशेष सम्बोधन गर्ने कार्यक्रम रहेको छ ।