काठमाडाैँ/काठमाडाैँ महानगरपालिकाको आज थप पाँच वटा वडाको मतपरिमाण सार्वजनिक गरिएको छ ।

सार्वजनिक गरिएका पाँच वटा वडामा नेकपा (एमाले)ले चार र नेपाली कांँग्रेसले एक वडामा जित हासिल गरेको छ । वडा नंं ३ का वडाध्यक्षमा एमालेका दीपक केसीले तीन हजार ६२ मत प्राप्त गरेर विजय हुनुभएको मुख्य निर्वाचन अधिकृत दीपेन्द्र अधिकारीले जानकारी दिए । उनका निकटतम प्रतिद्वन्द्वी काँंग्रेसका विदुर कार्कीले एक हजार ५४२ मत प्राप्त गरेकाे छ । अन्य सदस्यमा पनि एमालेका नै विजय भए । खुला सदस्यमा कृष्ण चालिसे र प्रेम थापा तथा महिला सदस्यमा सीता थापा र दलित महिला सदस्यमा शर्मिला परियार विजयी भएका छन् ।

मुख्य निर्वाचन अधिकृत अधिकारीका अनुसार ५ नं वडामा नेपाली काँग्रेसका रमेश डङ्गोल एक हजार ६८० मत ल्याई विजयी भएको छ । उनका निकटम प्रतिद्वन्द्वी एमालेका गणेश श्रेष्ठले एक हजार ६७५ मत प्राप्त गरेका  छन् । अन्य सबै सदस्य काँग्रेसबाट विजयी भए। खुला सदस्यमा उत्तमराज शर्मा र सुमन न्यौपाने तथा महिला सदस्यमा मीना सिंह र दलित महिला सदस्यमा कृष्णमाया नेपाली विजयी भएका छन् ।

यस्तै २२ नं वडामा एमालेका चीनकाजी महर्जन एक हजार ६५७ मत ल्याई विजयी भएका छन्। उनका निकटम प्रतिद्वन्द्वी शालिकराम तण्डुकारले एक हजार ६४९ मत ल्याएका छन् । यस्तै महिला सदस्यमा कांँग्रेसकी रस्मिला मल्ल, दलित महिलामा एमालेकी गीता परियार र खुलातर्फ काँग्रेसका अनिल हाडा र यक्षमान तुलाधर विजयी भएकाे छ  ।

यस्तै २३ नंमा एमालेका मचाराम महर्जन एक हजार ९९८ मत ल्याई विजयी भए । उनका निकटम प्रतिद्वन्द्वी काँंग्रेसका लक्ष्मीनारायण मानन्धरले ८८० मत प्राप्त गरेका छ । खुला सदस्यतर्फ राप्रपाका गोपाल नापित र एमालेका ज्योति शाक्य तथा महिला सदस्यमा एमालेकी चन्द्रादेवी मानन्धर र दलित महिलामा कञ्चन नेपाली विजयी भएकाे छ ।

यस्तै वडा नं २४ का वडाध्यक्ष एमालेका बालकृष्ण श्रेष्ठ एक हजार ४५२ मत ल्याई विजयी भए । उनका निटकतम प्रतिद्वन्द्वी काँग्रेसका विनोदराज भण्डारीले ९१४ मत प्राप्त गरेका छन् । अन्य चार खुला सदस्यमा एमालेकै विजयी भए ।

खुला सदस्यमा विनोद तुलाधर र सुमन स्थापित तथा महिला सदस्यमा लक्ष्मी महर्जन विजय भएको छ । सो वडामा दलित महिला सदस्यको उम्मेदवारी नै नपरेको निर्वाचन कार्यालयले जनाएको छ । अहिलेसम्म महानगरपालिकाका १३ वटा वडाको मत परिणाम सार्वजनिक भएको छ ।

रासस