भोजपुरका विद्यालय खुले, शिक्षकबाट संक्रमण फैलिने डरले अभिभावक त्रसित

alt
  • कार्तिक २०, २०७७
  • ब्लाष्ट खबर

विजयपुर । कोरोनाका कारण लामो समयदेखि बन्द भएका भोजपुरका शैक्षिक संस्थाहरु खुल्न थालेका छन् ।
विद्यालयहरु खुलेपनि अभिभावकहरु आफ्ना छोराछोरीलाई शिक्षकहरुबाटै कोरोना संक्रमण हुने डरले त्रसित छन् ।
शिक्षा समन्वय इकाई भोजपुरले दिएको जानकारी अनुसार भोजपुरका ९ वटा स्थानीय तहमा ६ वटा स्थानीय तहका शैक्षिक संस्थाहरु सञ्चालनमा आएका छन् । त्यसमध्ये ५ वटा स्थानीय तहका शैक्षिक संस्थाहरु दशै अगाडीदेखि नै सञ्चालन भइरहेका थिए । दशैँ पछाडी टेम्के मैयुङ गाउँपालिकाका विद्यालयहरु सञ्चलानमा आएका छन ।
भोजपुर जिल्लाका ९ स्थानीय तहमध्ये अझै पनि ३ वटा स्थानिय तहका विद्यालयहरु पुर्ण रुपमा सञ्चालनमा आउन सकेका छैनन् । भोजपुर जिल्लाका साल्पासिलिछो र अरुण गाउँपालिका साथै षडानन्द नगरपालिकाका विद्यालयमा बैकल्पिक प्रणालीबाट पढाइ भइरहेको शिक्षा समन्वय इकाइ भोजपरका सुचना अधिकारी तोत्र खड्काले जानकारी दिएका छन् ।
लामो समयपछि विद्यालय खुलेपछि विद्यार्थीहरु हर्षित हुँदै विद्यालय जान थालेका छन । बालबच्चाहरु विद्यालय जानथाले पनि अभिभावक भने त्रसित छन् । गाउँघरमा कोरोना भाइरसको जोखिम कमभएपनि बाहिरबाट शिक्षकहरु आउनेहुँदा कोरोना भाइरस सर्न सक्ने अभिभावकहरुले बताएका छन् ।
अभिभावक माया कोइरालाले तराईतिरबाट आउने शिक्षकहरु पिसिआर टेष्ट गरेर आउनुपर्ने वा चेक नगरी आउनेले १४ दिन होम क्वारेन्टाइन पश्चात कक्षामा गए जोखिम कम हुने बताइन । त्यस्तै अर्का अभिभावक सञ्जय श्रेष्ठले पनि शिक्षकसँग भाइरस रहेको छ भने अन्य विद्यार्थीमा सर्न सक्ने बताउँछन् । उनी भन्छन् ‘१४ दिन सम्म हाम क्वारेन्टाइनमा बसे राम्रो हुन्थ्यो ।’
अन्य अभिभावकहरुले पनि त्रसित हुँदै विद्यालय पठाएको वताएका छन् । यस विषयमा श्री विद्येश्वर माध्यामिक विद्यालय गोगने प्रध्यानाध्यापक हर्कबहादुर राइलाईसँग बुझ्दा स्कुलमा अनिवार्य स्यानिटाइजर मास्कको व्यवस्था गरेको बताए । उनले बाहिर तराई तिरबाट आउने शिक्षकहरुलाई स्वास्थ्यको मापदण्ड पुरा गरेर मात्रै कक्षा पठाउने बताएका छन् ।

 

प्रधानमन्त्री ओली र ...

धरान । बिहीबार विहान नेपाल आएका भारतीय विदेश सचिव हर्षब ...

प्रदेश १ मा २०७ संक् ...

धरान । प्रदेश १ मा आज २०७ जना कोरोना संक्रमित थपिएका छन ...

नाली निर्माणमा अनियम ...

विराटनगर । विराटनगर महानगरपालिका–१३ बिकेभिएम स्कू ...

बेल्टारमा कार्यरत प ...

ब्लाष्टखबर । ईलाका प्रहरी कार्यालय बेल्टारमा कार्यरत ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved