साढे तीन लाख रूपैयाँ बराबरकाे तस्करीको कपडा बरामद

alt
  • कार्तिक १५, २०७७
  • ब्लाष्ट खबर

विराटनगर/अवैध रूपमा भारतबाट मध्य रातकाे समयमा तस्करी गरी ल्याएको लत्ताकपडा सशस्त्र प्रहरीले बरामद गरेको छ ।

सशस्त्र प्रहरी बोर्डर आउट पोष्ट (बीओपी) रानी विराटनरले शुक्रबार राति साढे ११ बजे तस्करीको ३ लाख ६० हजार ४ सय ६० मूल्य बराबरको लत्ताकपडा बरामद गरेको हो । बीओपी रानीका सशस्त्र इन्स्पेक्टर मौसम पोखरेलको कमाण्डमा खटिएको सशस्त्र प्रहरीले विराटनगर–१५ सुढी बस्तीबाट कपडा बरामद गरेको हो ।

सशस्त्र प्रहरीले भेष्ट, स्याण्डो, लेडिज टप्सलगायतका कपडाहरू बरामद गरी बिराटनगर भन्सार कार्यालयमा बुझाएको छ । केही दिनअगाडि पनि बिओपी रानी र बखरीले दुई दिनमा १० लाख ६० हजार मुल्य बराबरकाे कपडा बरामद गरेको थियो । बखरी बीओपीले ९ लाख २२ हजार र बिओबी रानीले १ लाख ४५ हजार मूल्य बराबरको तस्करीको सामान बरामद ग¥यो ।

अहिले मध्य राति र बिहानीपखको समयमा विराटनगर–१६ स्थित दरैयाको उखुबारी, दक्षिण गेट र इस्लामपुरबाट मध्य राति कपडा तस्करी हुने गरेको छ । यो नाकाहरूबाट तस्करीमा लागेका गिरोहले भरिया प्रयोग गरी बोराभित्र कपडा हालेर भारतदेखि ल्याउने गर्दछन् । मोरङको पूर्वी क्षेत्रको सीमा नाकामा प्रहरीले कडाइ गर्न थालेपछि अहिले भारतसँग सीमा जोडिएको विराटनगरको दरैयाबस्तीको उखु बारी प्रयोग गर्न थालेका छन् ।

स्रोतको अनुसार ११ बजेपछि तस्करीको कपडा विराटनगर १६ दरैयाको उखु बारीको भित्री बोटो हुँदै रिङरोडको सडक प्रयोग गर्दछन् । भारतको टिकुलिया बस्तीदेखि दक्षिण क्षेत्रमा कपडा जम्मा गरी राख्दछन् । राति ११ बजेपछि भरियालाई लगाए विराटनगर १६ उखुबारी हुँदै दरियाबाट तस्करीको कपडा कटाउने गरेको यहाँका स्थानीयको भनाइ छ ।

सशस्त्र प्रहरी बल मोरङका प्रमुख एसपी तीर्थ पौडेलले भन्सार छलेर कपडाको तस्करी हुन थालेको पाइएपछि सबै ठाउँमा कडाइ गरिएको बताए । ‘कपडादेखि अन्य सामानसमेत तस्करी हुन सक्ने सम्भावनालाई मध्यनजर गर्दै कडाइ गरिएको छ,’ उनले भने, ‘सीमावर्ती क्षेत्रमा कार्यरत प्रहरीका सबै युनिटलाई सतर्क रहन निर्देशन दिइसकिएको छ ।’ तस्करी नियन्त्रणका लागि सीमावर्ती क्षेत्रमा उच्च सतर्कता अपनाएको उनले बताए ।

प्रधानमन्त्री ओली र ...

धरान । बिहीबार विहान नेपाल आएका भारतीय विदेश सचिव हर्षब ...

प्रदेश १ मा २०७ संक् ...

धरान । प्रदेश १ मा आज २०७ जना कोरोना संक्रमित थपिएका छन ...

नाली निर्माणमा अनियम ...

विराटनगर । विराटनगर महानगरपालिका–१३ बिकेभिएम स्कू ...

बेल्टारमा कार्यरत प ...

ब्लाष्टखबर । ईलाका प्रहरी कार्यालय बेल्टारमा कार्यरत ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved