पहिरोले धरान ४ शिवजट्टाका दुई परिवार विस्थापित

alt
  • श्रावण १७, २०७७
  • ब्लाष्ट खबर

धरान । धरान–४ शिवजट्टाको कालिमाटीमा पहिरोका कारण दुई परिवार विस्थापित बनेका छन् भने एक घर उच्च जोखिममा रहेको छ ।

अविरल परेको वर्षाका कारण आएको पहिरोले शिवलक्ष्मी राई, गोपीलाल राई र भीमु राईको घर पहिरोको जोखिममा परेको हो । जसमध्ये गोपीलाल र भीमुको परिवार विस्थापित बनेका हुन् । उनीहरू छिमेकीको घरमा आश्रय लिन पुगेका छन् भने शिवलक्ष्मी उच्च जोखिम रहे पनि घरमै बसिरहेका छन् । उनीहरूको घरको आँगनबाटै पहिरो गएको छ । पहिरोले प्रभावित बनाएपछि धरान उपमहानगरको प्राविधिकसहितको धरान–४ को टोलीले शुक्रबार निरीक्षण गरिएको नेकपाका धरान नगर इन्चार्ज तथा नेकपा प्रदेश कमिटी सदस्य अइन्द्रविक्रम बेघाले जानकारी दिए । उनले शिवलक्ष्मीको धान खेतसमेत पहिरोले पुरेको जानकारी दिए ।

उनका अनुसार पहिरोको जोखिम भएकाले गोपीलाल र भीमुलाई घरमा नबस्न आग्रह गरिएपछि छिमेकीको घरमा आश्रय लिन पुगेका हुन् । शिवलक्ष्मीलाई भने सचेत रहन आग्रह गरिएको छ । धरान उपमहानगरका प्राविधिक अरुणकुमार साह, धरान–४ का वडा सदस्य गोरसमान आले मगर, वडा सचिव राजन चाम्लिङ, नेकपाका ४ नम्बर वडा इञ्चार्ज चन्द्र कुलुङसहितको टोली पुगेको थियो । टोलीले प्राविधिक रूपमा छेकवार लगाउने विषयमा निरक्षण गर्दै नापजोख गरेको थियो । उक्त गाउँ नै अहिले पहिरोको जोखिममा रहेकाले सबैलाई सचेत गराइएको छ ।

प्रदेश १ ले पिसिआर प ...

विराटनगर / प्रदेश १ मा कोरोना परीक्षणको दायरा फराक ...

मेचीनगरका एक चिकित्स ...

भद्रपुर/ सीमा नाकासँग जोडिएको झापाको मेचीनगर नगरपालिकाम ...

बीपी प्रतिष्ठानको रज ...

धरान/बीपी कोइराला स्वास्थ्य विज्ञान प्रतिष्ठानमा हालै न ...

धरानको लकडाउन दृष्य, ...

धरान / धरानस्थित वीपी कोइराला स्वास्थ्य विज्ञान प् ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved