मेयरका छोरासहित दुई जना घुस रकमसहित पक्राउ

alt
  • असार ३१, २०७७
  • ब्लाष्ट खबर

  • एम महतो

लहान / सिराहाको कल्याणपुर नगरपालिका प्रमुखका छोरासहित दुई जनालाई अख्तियार दुरुपयोग अनुसन्धान आयोगको टोलीले सेवाग्राहीसँग लिएको पाँच लाख रुपैयाँ घुस रकमसहित पक्राउ गरेको छ ।
महोत्तरीको बर्दिवासस्थित आयोगको कार्यालयबाट डिएसपी मधुकुमार थापाको कमाण्डमा खटिएको टोलीले बुधबार दिउँसो २ बजेतिर कल्याणपुर नगरपालिका प्रमुख सूर्यनाथ मण्डलका छोरा ३५ वर्षीय सन्तकुमार मण्डल र ३३ वर्षीय जितेन्द्रकुमार महतोलाई लहानबाट पक्राउ गरेको हो ।

लहानमा सेवाग्राहीसँग कमिसनवापत् नगद पाँच लाख रुपैयाँ बुझेर कल्याणपुर फर्किने क्रममा लहानदेखि करिब पाँच किलोमिटर पश्चिमतिर लहान २२ राजदेवी चोकबाट दुवै जनालाई रकमसहित पक्राउ गरिएको अख्तियारका डिएसपी थापाले जानकारी दिए ।
कल्याणपुर नगरपालिका क्षेत्रमा आरसिसि ढलान सडकको डिपिआर तयार गर्दा छुट्याइएको बजेटमध्ये डिपिआर बनाउन संलग्न फर्मका प्रतिनिधिसँग कमिसनवापत् पाँच लाख रुपैयाँ बुझेर फर्किदै गर्दा नगर प्रमुखका छोरासहित दुवै जना अख्तियारको फन्दामा परेका हुन् । डिपिआर बनाउन कुन फर्म संलग्न थियो र कुन सडकको आरसिसि ढलानको डिपिआर हो भन्ने केही खुलेको छैन । घुस रकमसहित पक्राउ गरिएका दुवै जनालाई आयोगको बर्दिवासस्थित कार्यालय लगिएको छ ।

करिब दुई वर्ष पहिले पनि कल्याणपुर नगरका प्रमुख प्रशासकीय अधिकृत बासुदेव यादव र लेखापाल जयराम चौधरी गरी दुई जनालाई अख्तियारले विकास निर्माण सम्बन्धी योजनाबाट उपभोक्तासँग कमिसनवापत् लिएको २० हजार रुपैयाँसहित नगरपालिकाको कार्यालयबाट नै पक्राउ गरेको थियो ।

 

प्रदेश १ ले पिसिआर प ...

विराटनगर / प्रदेश १ मा कोरोना परीक्षणको दायरा फराक ...

मेचीनगरका एक चिकित्स ...

भद्रपुर/ सीमा नाकासँग जोडिएको झापाको मेचीनगर नगरपालिकाम ...

बीपी प्रतिष्ठानको रज ...

धरान/बीपी कोइराला स्वास्थ्य विज्ञान प्रतिष्ठानमा हालै न ...

धरानको लकडाउन दृष्य, ...

धरान / धरानस्थित वीपी कोइराला स्वास्थ्य विज्ञान प् ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved