उदयपुरका ४ फरार अभियुक्त पक्राउ

alt
  • असार २३, २०७७
  • ब्लाष्ट खबर

उदयपुर /  उदयपुर प्रहरीले विभिन्न मुद्दाका फरार आरोपितहरूलाई नियन्त्रणमा लिएको छ ।
विभिन्न मुद्दाको फैसलापछि फरार रहेका चार जनालाई उदयपुर प्रहरीले नियन्त्रणमा लिएको हो । आइतबार चौदण्डीगढी र बेलका नगरपालिकाबाट इलाका प्रहरी कार्यालय बेल्टार र इलाका प्रहरी कार्यालय रामपुर ठोक्सिलाबाट खटिएको प्रहरी टोलीले नियन्त्रणमा लिएको हो ।

२०७३ पुस १३ गतेदेखि जालसाजी मुद्दामा फरार चौदण्डीगढी नगरपालिका–६ का ५६ वर्षीय मनबहादुर राउत, २०७३ वैशाख १६ गतेदेखि सार्वजनिक अपराध मुद्दाका आरोपित सोही नगरपालिका–४ का २६ वर्षीय मनबहादुर राई र वन मुद्दामा फरार बेलका नगरपालिका–३ का ५० वर्षीय दीपनारायण चौधरीलाई पक्राउ गरेको जिल्ला प्रहरी कार्यालय उदयपुरले जनाएको छ । पक्राउ परेकाहरूलाई जिल्ला अदालतको फैसला कार्यान्वयनका लागि जिल्ला अदालत पठाइएको प्रहरीले जनाएको छ । त्यस्तै जबर्जस्ती करणी मुद्दामा फरार रहेका रौतामाई गाउँपालिका–६ का अर्जुन बस्नेतलाई पनि पक्राउ गरिएको छ । उनीमाथि २०७६ साउन ९ गते एक महिलालाई करणी गरेको आरोप लागेको छ । आरोप लागेपश्चात् उनी फरार रहेका थिए ।

लुकिछिपी बसिरहेको अवस्थामा शनिबार बस्नेतलाई इलाका प्रहरी कार्यालय रामपुर ठोक्सिलाबाट खटिएको प्रहरी टोलीले पक्राउ गरेको हो । उनलाई बेलका नगरपालिका–३ रातापानीबाट पक्राउ गरिएको जिल्ला प्रहरी कार्यालय उदयपुरले जनाएको छ । पक्राउ परेका बस्नेतलाई आइतबार जिल्ला अदालत उदयपुरबाट म्याद थप गरी अनुसन्धान भइरहेको जिप्रका उदयपुरले जनाएको छ ।

 

मिर्गौला पीडित श्रीम ...

ब्लाष्टखबर । दुबै मृगैला फेल भएकी २५ वर्षीय श्रीमती बचा ...

हालसम्म ९९ संक्रमितक ...

ब्लाष्टखबर ।  नेपालमा आज थप ५ सय ९५ जनामा कोरोना स ...

हर्क साम्पाङको रिहाई ...

ब्लाष्टखबर । धरानकाे खानेपानीकाे मुहानमा पाईप तोडफोड गर ...

मोरङको रंगेलीमा २८ स ...

विराटनगर / मोरङको रंगेली नगरपालिका भित्र शुक्रबार २८ जन ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved