भूटानी शरणार्थीलाई ८३ लाखको राहत

alt
  • जेठ १९, २०७७
  • भूपेन्द्रराज तिम्सिना

पथरीशनिश्चरे/कोरोना भाइरसको नियन्त्रणका लागि जारी लकडाउनका कारण समस्यामा परेका मोरङ र झापाका शिविरमा रहेका भूटानी शरणार्थीलाई तेस्रो देशमा पुनर्वास भएका भूटानीहरुले १ करोड बढीको राहत व्यवस्था गरेका छन् ।

इन्ट्रा इन्टरनेशनल वेलफेर सपोर्ट फाउन्डेसन अफ अमेरिकामार्फत मोरङको पथरीशनिश्चरे र झापाको दमकस्थित बेलडाँगी शिविरका भूटानी शरणार्थीलाई जनही १ हजार नगद र १० किलोग्रामका दरले चामल उपलब्ध गराएको छ । दुवै शिविरको कार्यक्रममा नायक दिलिप रायामाझी, इन्द्रेणी कार्यक्रम सञ्चालक कृष्ण कँडेल, युट्युवर भाग्य न्यौपाने सहभागी भएर सामग्री वितरण गरे । 

पथरीशनिश्चरे शिविरमा ५ सय ५२ परिवारमा रहेका १ हजार ५ सय ५२ जनालाई १५ लाख ५२ हजार नगद र १६ हजार किलो चामल वितरण भएको संस्थाले जनाएको छ । बेलडागी शिविरमा ६८ लाख नगद र ५४ लाख चामल वितरण गरिएको छ ।

पथरीशनिश्चरेको राहत वितरण कार्यक्रममा नगर प्रमुख दिलिपकुमार राई, शिविर सचिव चम्पासिंह राई, इलाका प्रहरी कार्यालय पथरी प्रहरी प्रमुख दिलिपकुमार गिरीलगायत सहभागी थिए ।

अमेरिकामा पुनर्वास भएका भूटानी शरणार्थीहरू डिल्लिराम अधिकारी, मेघ सुवेदी, विष्णु सिवाकोटीलगायत २ सय ९ जनाले ७३ हजार २ सय ३१ अमेरिकी डलर संकलन गरी राहत पठाएका हुन् । 

शिविरमा क्यारितास नेपाल, एलडब्लूएफ, बिर्तामोड उद्योग वाणिज्य संघ झापा, शैशिक अभियान, कञ्चनजंघा युवा क्लब पथरीशनिश्चरेलगायत संघसंस्था र व्यक्ति गरी १२ पटक राहतस्वरूप चामल, दाल, तेल र नुन वितरण गरेको शिविर सचिव चम्पासिंह राईले जनाए ।

शरणार्थीहरू तेश्रो मुलुक पुनर्वास हुँदै जाँदा खाध्यान्न लगायतको सुविधा गत वर्ष सन् २०१९ मार्चदेखि बन्द भएको थियो । जसमध्येमा १ सय १८ परिवारलाई युएनएचसीआरमार्फत् सामान्य राहत दिइँदै आए पनि अपुग राहतले समस्यामा थिए । राहत सुविधा कटौती गरेपछि तेस्रो मुलुक नगएकाहरूले नेपालमै श्रम गरेर जीविकोपार्जन गर्दै आएका थिए । 

आचार्यद्वारा निर्वाच ...

धरान  / नेपका स्थायी कमिटी सदस्य तथा प्रदेश १ ...

सुन तस्करीका अभियुक् ...

विराटनगर /  यूएईमा पक्राउ परेका साढे ३३ किलो सुन त ...

गाँजा खेती गरेको आरो ...

धरान । गाँजा खेती गरेको आरोपमा धरान–१३ बाट एक युव ...

धरानबाट ब्राउन सुगरस ...

धरान । धरान प्रहरीले ब्राउन सुगरसहित तीन युवालाई नियन्त ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved