धरान–५ का वडाध्यक्षद्वारा नै अँधेरी खोलाबाट तस्करी गर्दै

  • जेठ १२, २०७७
  • ब्लाष्ट खबर

धरान । राष्ट्रपति चुरे क्षेत्रमा पर्ने धरान–५ को अँधेरी खोलाबाट जनप्रतिनिधिले नै विकास निर्माणको नाममा खोला उत्खनन् गरिरहेको पाइएको छ ।

चुरे क्षेत्रमा पर्ने भएकाले हालसम्म उक्त खोलामा ठेक्का लगाउने गरिएको छैन । विगतमा ठेक्का लगाउने अधिकार प्राप्त संस्था जिल्ला विकास समिति, हालको जिल्ला समन्वय समिति र स्थानीय तह धरान उपमहानगरपालिकाले पनि ठेक्का लगाएको छैन । तर, धरान–५ नम्बरका वडाध्यक्ष सन्तोष लिम्बू आफैले खोला उत्खनन् गरेर विकास निर्माणमा भन्दै निकाल्ने गरेको पाइएको छ । 

यस विषयमा वडाध्यक्ष लिम्बूलाई पटकपटक उनको एनटिसीको पोष्टपेड र एनसेलको नम्बरमा ब्लाष्टकर्मीले फोन गर्दा उठाएनन् । स्थानीयका अनुसार उनले खोलाले बस्तीमा क्षति पु¥याउने भन्दै बाँधका लागि मिक्सगिट्टी उत्खनन् गरिरहेका छन् । तर, उनले विकास निर्माणको नाममा बाहिर बिक्री गरिरहेको भिडियोसमेत ब्लाष्टलाई प्राप्त भएको छ । 

स्थानीयले देउराली प्रहरी चौकीलाई पनि यसबारेमा धेरै पटक गुनासो पुगेको थियो । गुनासोको आधारमा परीक्षण गर्दा हालसम्म त्यस्तो गतिविधि भएको नभेटिएको प्रहरी चौकीले जनाएको छ । अहिले फुटबल ग्राउण्ड बनाउने लागि भन्दै ढुङ्गागिट्टी उत्खनन् गरिरहेका छन् ।

एक स्थानीय युवाले भने, ‘अवैध तरिका बाहिर निकास गर्नुहुँदो रहेछ । वडादेखि बाहिर बेच्नु हुँदोरहेछ । एक्सन लिँदा खेरी यहीँ खन्याएको भनेर खन्याई पनि हाल्छ ।’ उनका अनुसार गोप्य रूपमा खोजी गर्दा धरान बजारतिर बिक्री गरेको भेटिएको छ । उनले अँधेरी खोलाबाट जेसिभी लगाएर नै उठाइरहेको छ । यस विषयमा धरान उपमहानगरपालिकालाई पनि स्थानीयले खबर गरेका थिए ।

धरान उपमहानगरकी उपप्रमुख तथा अनुगमन समितिकी संयोजक मञ्जु भण्डारी सुवेदीले गुनासो आएको आधारमा नगर प्रहरीलाई गएर बुझ्न लगाउँदा गाउँमै थुपारेको पाइएको बताइन् । उनले भनिन्, ‘बाहिर बिक्री गरेको रहेछ भने त्यो त सिधै तस्करी हो, त्यसो गर्न पाइँदैन ।’ उनका अनुसार त्यो खोलाबाट नै उत्खनन् गर्न मिल्दैन । ‘हामीले ठेक्का नलगाएको खोला, जेसिभी राख्नु नै अनाधिकृत हो, यदि त्यस्तो हो भने त कारबाही गर्नुपर्ने हुन्छ ।’

उनका अनुसार धरान उपमहानगरपालिकालाई पनि कुनै योजना तथा विकास निर्माणको काम गर्छु भनेर लिखित तथा मौखिक जानकारी आएको आफूलाई थाहा छैन ।

वर्षौपछि लक्ष्मीमार् ...

बेलबारी । मोरङको बेलबारी ११ लक्ष्मीमार्गमा रहेको डाँगिह ...

प्रधानसेनापति थापाद् ...

ब्लाष्टखबर । प्रधानसेनापति महारथी पूर्णचन्द्र थापाले नव ...

२४ घण्टामा ११८ जना न ...

ब्लाष्टखबर । पछिल्लाे २४ घण्टामा नेपालमा १ सय १८ ज ...

पथरीमा पशुपंक्षीमा अ ...

पथरीशनिश्चरे । मोरङको पथरी शनिश्चरे नगर अन्तर्गत पशुपंक ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved