चाबी थुतेको विषयमा सिन्धुपाल्चोकमा वडाध्यक्षका छोराद्वारा प्रहरीमाथि हातपात

alt संकेतिक तस्विर
  • जेठ ७, २०७७
  • ब्लाष्ट खबर

धरान । चाबी थुतेको निहुँमा प्रहरीसँग विवादको क्रममा सिन्धुपाल्चोक पाँचपोखरी थाङपाल गाउँपालिकाका वडाध्यक्षका छोराले असइमाथि हातपात गरेपछि पक्राउ गरेको छ ।

रामेछापमा कार्यरत असइ डिकबहादुर तामाङलाई आक्रमण गरेपछि पाँचपोखरी थाङ्पाल गाउँपालिका ४ का अध्यक्ष रामबहादुर लामाका २६ वर्षीय छोरा आकाश लामासहित दुई जनालाई पक्राउ गरेको छ । घटना भने जेठ ५ गते साँझतिर लकडाउनको समयमा मोटरसाइकल कुदाएपछि प्रहरीले चाबी थुतिदिएको विषयलाई लिएर भएको थियो । वडाध्यक्ष रामबहादुर लामाका अनुसार जेठ ५ गते साँझतिर छोरा आकाशसँगै पक्राउ परेका २४ वर्षीय वकिल दमाईको मोटरसाइकलको चाँबी प्रहरीले खोसिदिएको थियो । ‘‘५ गते बेलुका बाइक स्पिडमा ल्याएको थियो, लकडाउनको बेला किन स्पिड चलाएको भनेर पुलिसले चाबी थुत्दियो र पुलिसले दुईचार थप्पड पनि हिर्काइदिएको थियो’–वडाध्यक्ष लामाले फोन सम्पर्कमा भने, ‘म स्वयम् आफै थियो ।’

भोलिपल्ट अर्थात् जेठ ६ गते मंगलबारका दिन वकिलका दाजु गोपी दमाई प्रहरी कार्यालयमा गएर क्षतिपूर्ति माग्न गएको उनले बताए । ‘त्यही केसलाई लिएर गोपी र वकिलले मेरो छोरालाई फोन गरेछ’ उनले भने, ‘मेरो छोराले दलित केटाहरूलाई किन कुटेको भनेर भनेछ, असइ डिकबहादुरले तँ कोहोस् भनेर कठालो समातेछ, मेरो छोराले पनि नाकमा बक्सिङले हानिदिएछ, भएको यति हो सर ।’

प्रहरीले आकाशसहित वकिललाई पनि पक्राउ गरी कारबाही अगाडि बढाएको छ । वडाध्यक्षका छोरा आकाश गत मंसिर यतादेखि स्वास्थ्य चौकीमा करारमा अहेवको जागिर खादै आएका थिए । उनीहरूलाई इलाका प्रहरी कार्यालय मेलम्चीले पक्राउ गरी कारबाही अगाडि बढाएको इन्स्पेक्टर फलबहादुर तामाङले जानकारी दिए । नाकमा सामान्य चोट देखिएका असइको धुलिखेल अस्पतालमा उपचार भइरहेको जनाइएको छ ।

लकडाउनले छेकेन गाउँक ...

खेवाहाङ मेवाहाङ संखुवासभा / गएको चैत ११ गतेदेखि दे ...

अपडेट: विराटनगर १८ क ...

विराटनगर/विराटनगर–१४ जतुवाका ५५ वर्षीय सेमानन्द य ...

प्रदेश १ मा बजेट ल्य ...

धरान /  कोरोना भाइरसको त्रासकोा बीचमा प्रदेश १ मा ...

हत्या आरोपमा मुछिएका ...

अनिल श्रेष्ठ विराटनगर /  विराटनगर – १४ ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved