पर्यटनमन्त्रीका नयाँ योजना, ‘भ्रमण दशक’ घोषणाको तयारी

alt
  • बैशाख २८, २०७७
  • ब्लाष्ट खबर

काठमाडौं ।  सस्कृति, पर्यटन तथा नागरिक उड्ययनमन्त्री भएसँगै भ्रमण बर्ष २०२० मनाउन लागेका मन्त्री योगेश भट्टराई कोरोनाले पर्यटन क्षेत्र थलिए पनि आगामी दिनमा पर्यटन क्षेत्रलाई कसरी विकास गर्न सकिन्छ भनेर छलफलमा व्यस्थ छन् । आगामी जेठ १५ मा आउने आगामी आर्थिक वर्षको नीति तथा कार्यक्रम तथा बजेटबाट आगामी एक दशकलाई ‘भ्रमण दशक’ घोषणा गरिने गरि तयारी थालेको बताएका छन् ।

हरेक वर्ष विधागत रुपमा प्राथमिकताका साथ पर्यटन प्रवर्द्धनका योजना ल्याउन लागेको मन्त्री भट्टराईले बताएका छन् ।  कोरोना पछिको पर्यटनलाई पुनरुद्धार गर्ने योजनासहित भ्रमण दशक घोषणा हुने उनको भनाई छ ।

यस्ता छन् उनका योजना
पर्यटन प्रवद्धनका लागि कर्मचारीका लागि पर्यटन विदाको अवधारणालाई निरन्तरता दिने उनको योजना छ । आगामी आर्थिक वर्ष २०७७÷०७८ मा समेत पर्यटन बिदालाई बजेटमा समावेश गरिने उनले बताए । यसबाट करिव २० लाख आन्तरिक पर्यटक घुमघाममा निस्कने वातावरण बन्ने छ ।

पर्यटनका तीन वटै राष्ट्रिय गौरवका आयोजनाले आगामी वर्ष बजेट पाउने गरि नीति तथा कार्याक्रम बन्दैं छ । मन्त्री भट्टराईका अनुसार गौतमबुद्ध अन्तर्राष्ट्रिय विमानस्थल आगामी आर्थिक वर्षबाट सञ्चालन गर्ने योजना छ । पोखरा विमानस्थलसमेत आगामी आर्थिक वर्षको अन्तिममा निर्माण सम्पन्न भइसक्ने छ । निजगढ अन्तर्राष्ट्रिय विमानस्थलको भने निर्माण शुरु गर्ने गरी बजेट छ्ट्याइने छ ।

सवारी साधन खरीद, फर्निचर, भ्रमण, भत्ता, बैठक, गोष्ठीका धेरै जसो कार्यक्रम यो वर्ष रद्द गरिने उनले बताए । अर्थ मन्त्रालयबाट पनि सिलिङमा कस्ने काम भइरहेको छ । अनावश्यक कार्यक्रमबाट खर्च कटौती गरि पर्यटन पूर्वाधार कार्यमा खचै गरिने मन्त्री भट्टराईले जानकारी दिए ।

कोरोना भाइरसको विश्वव्यापी महामारीबाट सबैभन्दा बढी पर्यटन व्यवसायी प्रभावित भएका छन् । उनीहरुका लागि मन्त्री भट्टराईले आर्थिक प्याकेज ल्याउन तयारी गरेका छन् ।
बिना धितो ऋण, ब्याजदरमा कटौती, ऋण लिँदा गर्न सकिने सहजिकरण, ऋणको पुनर्तालिकीकरणलगायत विविध उपायबारे पर्यटनले अर्थ मन्त्रालयसँग समन्वय गरिरहेको मन्त्री भट्टराईले जानकारी दिए ।

 

लकडाउनले छेकेन गाउँक ...

खेवाहाङ मेवाहाङ संखुवासभा / गएको चैत ११ गतेदेखि दे ...

अपडेट: विराटनगर १८ क ...

विराटनगर/विराटनगर–१४ जतुवाका ५५ वर्षीय सेमानन्द य ...

प्रदेश १ मा बजेट ल्य ...

धरान /  कोरोना भाइरसको त्रासकोा बीचमा प्रदेश १ मा ...

हत्या आरोपमा मुछिएका ...

अनिल श्रेष्ठ विराटनगर /  विराटनगर – १४ ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved