कुम्मायक गाउँपालिकामा राहत कोष स्थापना

alt
  • चैत्र २४, २०७६
  • ब्लाष्ट खबर

यासोक/दुई साता यताको लकडाउनका कारण दैनिक मजदुरी गर्दै आएका परिवारको अवस्था नाजुक बन्न थालेपछि पाँचथरको कुम्मायक गाउँपालिकाले राहत कोष स्थापना गरेको छ ।

‘कुम्मायक गाउँपालिका कोरना संक्रमण रोकथाम नियन्त्रण तथा उपचार कोष स्थापना गरेको छ । उक्त कोषमा गाउँपालिकाका सबै जनप्रतिनिधिले १५ दिनबराबराको सेवासुविधा जम्मा गरी कोष स्थापना गरेका हुन् । सोही कोषमा आर्थिक वर्ष २०७६÷०७७ को बिपत व्यवस्थापना अन्तरर्गतको २० लाख रुपैयाँ समेत जम्मा गर्ने गाउँपालिकाले जनाएको छ । दैनिक ज्याला मजदुरी गरेर पेट पाल्ने र बिपन्न श्रमिकलाई लक्षित गर्दै कोष स्थापना गरिएको गाउँपालिकाका प्रमुख प्रशासकीय अधिकृत कमलप्रसाद भट्टराइले जनाए ।

कोभिड १९ को संभावित संक्रमणको कारण उत्पन्न प्रतिकुल अवस्थाबाट प्रभावित असंगठित कार्य गर्ने बिपन्न र श्रमिक वर्ग तथा असहायहरुलाई दैनिक जीवन यापनको लागि मन्त्रिपरिषदबाट भएको निणर्य कार्यान्वय गर्न गाउँपालिकाले राहत कोषको मापदण्ड तयार गरिएको गाउँपालिकाले जनाएको छ । गाउँपालिकाको ५ वटै वडाका विपन्न श्रमिकको बिवरण सङ्कलन वडास्तरबाटै भइरहेको गाउँपालिका अध्यक्ष जयबहादुर चेम्जोङले बताए । चेम्जोङका अनुसार विपन्न श्रमिक वर्ग तथा असहायहरुलाई प्रति परिवार २५ केजी चामल, २ केजी दाल, १ केजी नुन, १ लिटर तेल, १ केजी चिनी र ४ वटा सावुन बितरण गर्ने गरी तयारी थालिएको उनको भनाइ छ ।

विपन्न श्रमिकको विवरण संकलनको लागि गाउँपालिकाले सबै वडामा जनप्रतिनिधि, नागरिकसमाज, राजनैतिकदलका प्रतिनिधि सहितको समिति गठन गरी बिवरण संकलनको काम भइरहेको छ । यता गाउँपालिकाको क्वारेन्टाइनमा राखिएका ५ जनालाई छोडिएको छ । बिभिन्न देशबाट गाउँपालिका भित्रिएका युवाहरुलाई २१ दिनपछि छोडिएको स्वास्थ्य कर्मी सेमिक लावतीले बताए । उनिहरुमा भाइरसको कुनै पनि संकेत नदेखिएपछि छोडिएको हो । त्यस्तै पुनः रोजगारीका क्रममा सुदुरपच्चिममा पुगेर फर्किएका तीन जना युवाहरुलाई पनि क्वारेन्टाइनमा राखेर स्वाथ्य परिक्षण गर्दै आएको गाउँपालिकाले जनाएको छ ।

 

कोरोनाको जोखिमलाई मध ...

धरान । कोरोना भाइरसको संक्रमणसँगै हुन सक्ने जोखिम व्यवस ...

केपी सरकारले काेराेन ...

सुनसरी । नेपाली कांग्रेसका सभापति तथा पूर्वप्रधानमन्त्र ...

२४ घण्टामा ९० संक्रम ...

काठमाडौं ।  स्वास्थ्य तथा जनसंख्या मन्त्रालयको पछि ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • blastkhabar2016@gmail.com

Copyright © 2016 / 2020 - Blastkhabar.com All rights reserved