कोरोनाभाइरसका कारण सोमबार मात्रै १०३ को मृत्यु, हुबेमा खटिएका बरिष्ठ अधिकारीहरूलाई कारबाही

alt तस्बिर गुगल
  • माघ २८, २०७६
  • १४५ पटक पढिएको
  • ब्लाष्ट खबर

धरान । कोरोनाभाइरसका कारण चीनको हुबे प्रान्तमा सोमबार एकैदिन १ सय ३ जनाको ज्यान गएको छ ।

एकैदिन ज्यान गुमाउनेको संख्या हालसम्मकै सर्वाधिक संख्या हो । आइतबार ९७ जनाको ज्यान गएको थियो । कोरोनाभाइरस हुबे प्रान्तबाटै शुरु भएको थियो । भाइरसका कारण मृत्यु हुनेको संख्या १ हजार नाघेको छ । ज्यान गुमाउनेको संख्या बढिरहेका बेला चिनियाँका केही बरिष्ठ अधिकारीहरू कारबाहीमा परेका छन् ।

चीन सरकारले प्रकोप नियन्त्रणका लागि परिचालन गरेका अधिकारीहरूलाई कारबाही गरेको हो । जसमा चिनियाँ कम्युनिष्ट पार्टीबाट हुबे स्वास्थ्य आयोगमा खटिएका पार्टी सचिव तथा आयोगका प्रमुख घटुवामा परेको बताइन्छ । त्यस्तै चन्दा हिनामिना गरेको आशङ्कामा स्थानीय रेडक्रसका सहायक निर्देशक पनि पदमुक्त बनेको विदेशी मिडियाले लेखेका छन् ।

चीनमा मात्रै कोरोनाभाइरसका कारण ४२ हजार २ सय जना संक्रमित भएको उल्लेख गरिएको छ । हङ्कङमा पनि ४२ जनामा कोरोनाभाइरस भएको पुष्टि गरेको छ । कोरोनाभाइरसको महामारी फैलिरहेका बेला सबैजसो देशमा उच्च सतर्कता अपनाउन थालिएको छ । चीनमा उडान हुने हवाई सेवासमेत ठप्प पारेका छन् । कतिपय खेलहरूसमेत स्थगित भएका छन् ।

चीनमा हुन लागेको बास्केटबलको छनौट खेलसमेत स्थगित गरिएको छ । कोरोनाभाइरस सन् २००२ र २००३ मा फैलिएको सार्स रोगभन्दा खतरनाक रहेको बताइन्छ । सार्स रोगभन्दा यो रोगबाट मर्नेको संख्या बढेको छ । चीनका राष्ट्रपति सी जिनपिङले उपचारमा खटिएका स्वास्थ्यकर्मीहरूलाई सोमबार भेटेका छन् । उनले भाइरसलाई नियन्त्रण गर्नका लागि थप उपायको आवश्यकता रहेको बताए ।

सुख्खाक्षेत्रको अवरु ...

यासोक । पाँचथरको सुख्खाक्षेत्र कुम्मायक गाउँपालिकाको अव ...

रेडक्रसमा रगत अभाव भ ...

पथरी । लायन्स क्लब अफ कानेपोखरी र रमाइलो बचत तथा ऋण सहक ...

७२ जना मजदुरलाइ भारत ...

भद्रपुर । जिल्लाका विभिन्न विकास निर्माण तथा पलाई उद्यो ...

अजयले मनाए आफ्नो ५१ ...

धरान । बलिउड स्टार अजय देवगनले आफ्नो ५१ औं जन्मदिन सेलि ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved