भेटिएकाे २० हजार दिराम फिर्ता गर्ने नेपालीलाई दुबई पुलिसले दियो इमान्दारिताको प्रमाण-पत्र

alt
  • माघ २२, २०७६
  • १,४६९ पटक पढिएको
  • ब्लाष्ट खबर

धरान । दुबईको २० हजार दिराम भेटेर सम्बन्धित धनीलाई फिर्ता गरेका एक नेपाली दुबई पुलिसबाट सम्मानित हुने अवसर पाएका छन् ।

दुबई पुलिसले नेपालका सुदीप राना मगरलाई इमान्दारिताको कदर गर्दै प्रमाण–पत्रबाट सम्मानित गरेको हो । उनी दुई वर्षदेखि इको कम्पनीको स्टोरमा कार्यरत मगरले ‘क्यास काउन्टर’ सफाइ गर्ने क्रममा एउटा खामभित्र २० हजार दिराम नगद फेला पारेका थिए । उनले शुरुमा फेला पारे पनि खाली खाम होला भन्ठानेर काउन्टर अगाडि राखिएको डष्टविनमा फ्याकेका थिए ।

तर, खामभित्र केही भएजस्तो लागेका कारण हेर्दा रकम रहेको पाएपछि स्टोर मेनेजरलाई खबर गरेको उनले प्रहरीलाई जानकारी दिएको खलिज टाइम्सले उल्लेख गरेको छ । उनले रकम आइतबार अपरान्ह १२ बजेर ५० मिनेटमा रकम फेला पारेका थिए । उनी नेपालका कुन ठाउँका हुन् भन्नेबारेमा खुलाइएको छैन ।

तर, उनले आफ्नो बुबाले बच्चादेखि नै भेटिएका कुराहरू केही पनि लुकाउनु हुँदैन, जसको हो, उसैलाई फिर्ता गर्नुपर्छ भन्ने भनाइबाट प्रेरित भएको बताएका छन् । ‘बुबाले भन्नुहुन्थ्यो, विशेष गरी पैसाका कुरामा कसैले देखेनन् भने पनि भगवान्ले चाहिँ अवस्य देख्नेछन्’ उनले प्रहरीसामु भनेका छन्, 'त्यसैले सम्बन्धित धनीलाइ फिर्ता गरेँ ।' उनको इमान्दारिताकै कारण बरदुबई पुलिस स्टेसनले उनलाई सम्मानित गरेको हो । उक्त रकम एक पर्यटकको रहेको खुलेको छ ।

दुबईका मिडियाहरूले उनको तस्बिरसहित समाचार प्रकाशित गरेको खबर छ । उनको इमान्दारिताको अहिले सबत्र प्रशंसा भइरहेको छ । बरदुबई पुलिस स्टेसनले पनि उनको कार्यप्रति सम्मान गर्दै प्रमाण पत्र वितरण गरेको उल्लेख गरेको छ । यो अरूका लागि पनि प्रेरक बनेकाे बताइएको छ ।

स्वाराको वार्षिक उत् ...

सुनसरी । इटहरीमा सञ्चालित स्वारा स्किन एण्ड हेयर क्लिनि ...

सेन्ट जेभियर्समा पुर ...

सुनसरी । इटहरीमा सञ्चालित सुनसरीको सेन्ट जेभियर्स सेकेण ...

 शिवरात्रिमा झण्डोत् ...

उर्लाबारी । ब्रहमाकुमारी राजयोग सेवा केन्द्र उर्लाबारील ...

भारतमा दुर्घटनामा मृ ...

धरान / तीर्थ यात्राको क्रममा दक्षिण भारतको तामिलनाडू से ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved