काठमाडौं/ओमनको मावेलामा ६ बंगालीद्वारा अपहरणपछि बलात्कृत भएकी एक नेपाली घरेलु कामदारलाई ओमनी प्रहरीले शनिबार उद्धार गरेको छ । प्रहरीले उनलाई निर्माणाधीन घरको शौचालयबाट उद्धार गरेको हो । उनी प्रहरीको संरक्षणमा छिन् ।
[caption id="attachment_81627" align="aligncenter" width="584"]
सांकेतिक तस्विर[/caption]
‘राम्रो घरमा काम लगाइदिन्छु’ भनी बोलाएर बंगालीहरुले एउटा भवनमा लगेर बलात्कार गरेको पीडितले बताइन् । उनका अनुसार बलात्कार घटना सार्वजनिक हुने डरले उनीहरुले हत्या योजनासमेत बनाएका थिए । तर तीमध्ये एक बंगाली हत्याको विपक्षमा उभिएपछि उनीहरुबीच विवाद भएको थियो । त्यही मौकामा आफू भागेर शौचालयमा लुकेको उनले बताइन् ।
शुक्रबार दिउँसो ३ बजे अपहरणमा परेकी बुटवलकी ती पीडितलाई प्रहरीले शनिबार बिहान ३ः३० बजे उद्धार गरेको हो । अपहरणकारी फरार छन् ।
कान्तिपुर दैनिकबाट
