काठमाण्डाै / धादिङको मिलनटोलमा निर्माण हुन लागेको विपी स्मृती भवनको सिलन्यास गर्न आएका नेपाली कांग्रेसका वरिष्ठ नेता रामचन्द्र पौडेल, रामशरण महत, मिनेन्द्र रिजाल, उद्योग राज्यमन्त्री कञ्चनचन्द्र वादे लगायतका ४८ जना नेता कार्यकर्ता बसेको मञ्च भत्किएकाे छ । मञ्च भत्किदा नेपाल महिला संघकी नेतृ भगवती पौडेलको खुट्टा भाँच्चिएको छ । केहि क्षण भागदौड मच्चिएको थियो ।
‘ओरालो जमिनमा फलामे मञ्चको उचित व्यवस्थापन गर्न नसक्दा पुरै मन्च ढल्न पुगेकाे थियाे । मञ्चमा कास्की, चितवन, सिन्धुली जिल्लाका पार्टी सभापतीहरु, नेपाली कांग्रेस केन्द्रिय सदस्य सरीता प्रसाई, लगायत जिल्ला स्तरिय ४८ जना नेता कार्यकर्ताहरुले अतिथी आशन गरिसकेका थिए भने उदघोषले थप अरु मञ्चमै बोलाउदैं गर्दा मञ्च भत्किएको थियो । मञ्च ढलेपछि पाहुनाहरुलाई माला लगाएर स्वागत गर्दै गरेकी नेपाल महिला संघकी नेतृ भगवती पौडेलको खुट्टा भाँच्चिएको छ ।
