देउराली । राष्ट्रपति विद्यादेवी भण्डारी विभिन्न धार्मिक पर्यटकीय स्थलको भ्रमणका लागी भोलि धरान आउने भएकी छन् ।
राष्ट्रपति भण्डारीले सुनसरीको धरान उपमहानगरपालिका र वराहक्षेत्र नगरपालिकाका विभिन्न धार्मिक पर्यटकीय स्थलहरूको अनौपचारिक भ्रमण गर्ने भएकी हुन् ।
उनले धरान १४ स्थित पिण्डेश्वर बाबा धाम, बुढा सुब्बा र दन्तकाली मन्दिरको भ्रमण गर्नुका साथै वराहक्षेत्र स्थित चतरा धाम, औलिया बाबा मठ तथा वराहक्षेत्र मन्दिरको पनि भ्रमण गर्ने योजना रहेको बताइएको छ । यस बिच कुनै पनि औपचारिक कार्यक्रममा भने नभएको बुझिएको छ ।
