पथरी । मोरङ कानेपोखरी –६ स्थित रमाइलोमा रहेको साना किसान कृषि सहकारी संस्थाले आफ्नो छैठौं वार्षीक साधारणसभा सम्पन्न गरेको छ ।
शनिबार रमाइलो साकोसको सभाहलमा संस्थाको वार्षीक साधारणसभा सम्पन्न गरेको हो । कार्यक्रममा संस्थाकी अध्यक्ष कल्पना भण्डारी निरौलाले नीति तथा कार्यक्रमहरू प्रस्तुत गर्दै २०७७/७८ मा ८१ लाख ५३ हजार ३ सय ३० रुपैयाँ आम्दानी गरेको प्रतिवेदन प्रस्तुत गरेकी थिइन ।
त्यसैगरी, सोही आर्थिक बर्षमा ६२ लाख ४८ हजार ९ सय ४३ रुपैयाँ यर्थाथ खर्च गरेको प्रतिवेदन प्रस्तुत गरेकी थिइन । आगामी २०७८/०७९ मा आम्दानी तर्फ १ करोड २१ लाख ५३ हजार ३ सय ३० रुपैयाँ पुर्याउने लक्ष्य रहेको प्रतिवेदनमा उल्लेख छ ।
सहकारी संस्थाले हालसम्म १ करोड ८८ लाख २६ हजार ५४ रुपैयाँ निक्षेप हिसाब संकलन गरेको छ । संस्थाले गत आर्थिक वर्ष २०७६/०७७ मा १ करोड ४१ लाख ६० हजार ९ सय ६१ रुपैयाँ रहेकोमा आर्थिक बर्ष २०७७÷०७८ मा ४६ लाख ६५ हजार ९२ रुपैयाँले वृद्धि गरि १ करोड ८८ लाख २६ हजार ५४ रुपैयाँ निक्षेप हिसाब पुर्याएको प्रतिवेदनमा उल्लेख रहेको छ ।
यस संस्थाको अहिले सम्मको सेयर रकम ६३ लाख ६३ हजार ९ सय रुपैयाँ रहेको छ, भने १९ लाख ४ हजार ३ सय ८६ रुपैयाँ शुद्ध बचत गर्न सफल भएको छ । यस संस्थाले आर्थिक बर्ष २०७७/०७८ सम्ममा ऋण लगानी ३ करोड ८१ लाख ७५ हजार १ सय ९ रुपैयाँ गरेको संस्थाले जनाएको छ ।
संस्थाले उत्कृष्ट ऋणी दिलकुमारी घिसिङ, निरासा चौधरी, मनकुमारी लिम्बू, उत्कृष्ट बाख्रापालक सुर्य बहादुर खुलाल, उत्कृष्ट बिमा भिमा कुमारी सुवेदी र उत्कृष्ट बालबचत संकृती बिष्ट, उत्कृष्ट समूह तर्फबाट कृष्णमाया गुरुङ, गिता चुडाल, फुलमाया कटुवाल, मेनुका भट्टराई, लिला कुमारी भट्टराई, राधिका बराल र गिता बजगाईलाई पुरस्कारले सम्मानित गरेका थिए ।
कार्यक्रममा प्रमुख अतिथि कानेपोखरी गाउँपालिकाका अध्यक्ष ताराबहादुर काफ्ले रहेका थिए । त्यसैगरी विशिष्ट अतिथि कानेपोखरी गाउँपालिकाका उपाध्यक्ष राजमती इङ्नाम, विशेष अतिथि प्रदेश कृषि सहकारी तदर्थ संघ १ नम्बर प्रदेशका संयोजक खगेन्द्र राजभण्डारी, अतिथिहरु साना किसान बिकास लघु वित्तीय इलाका कार्यालय इटहरीका वरिष्ठ सहायक कुमार घिमिरे लगायतको उपस्थिति रहेको थियो ।
संस्थाकी व्यवस्थापक विमला विष्ट थापाले कार्यक्रम संचालन गरेकी थिइन भने संस्थाकी अध्यक्ष कल्पना भण्डारीको अध्यक्षतामा कार्यक्रम सम्पन्न भएको थियो ।
