इटहरी / कोरोना
भाइरसको दोस्रो लहर सुरु भएसँगै बजारमा मास्कको चरम कालोबजारी सुरु भएको छ ।
सामान्य किराना पसल, मेडिकल पसल र कपडा पसलमा समेत पाउन थालिएको मेडिकल
मास्कमा सर्वसाधारणहरू ठगिएका छन् । व्यापारीहरूले एउटा मास्कमा २७०
प्रतिशतभन्दा बढी मुनाफा राखेर बिक्री वितरण भइरहेको पाइएको छ ।
मेडिकलहरूले सस्तो मूल्यमा स्वास्थ्य सामग्री खरिद गरेर दोब्बर मूल्यमा आम
सर्वसाधारणलाई ठगी रहेका छन् । होलसेलमा प्रतिगोटा रुपैयाँ पर्ने मास्कलाई
बजारमा अधिकांश ठाउँमा दश रुपैयाँमा बिक्री भइरहेको छ । जुत्ता पसल, कपडा
पसलहरूमा समेत मास्क वितरण भइरहेको पाइन्छ । इटहरीमा फलफूल पसलमा समेत
मास्क बिक्री भइरहेको छ ।
इटहरीस्थित माता मनकामना आरोग्य सेण्टर
इटहरीका हीरा श्रेष्ठले अहिले बजारमा मेडिकल मास्क नै अभाव भएको बताउँछन् ।
होलसेलहरूले मास्क अभाव छ भन्छन् । होलसेलमै ६ रुपैयाँसम्म प्रतिगोटा
पर्ने गरेको भन्दै आफूहरूले पसलमा ल्याएर जोडीको १५ रुपैयाँसम्ममा बिक्री
गर्ने बताए । अहिले मास्कको अभाव भइरहेको सञ्चालक श्रेष्ठको भनाइ थियो ।
बिहीबार
इटहरी बजार अनुगमन गर्दा मास्कमा व्यापार कालोबजारी भेटिएको इटहरी
उपमहानगरपालिकाले जनाएको छ । राजश्व प्रशासन शाखा प्रमुख नवीन भट्टराईले
व्यापारीको चरम लापरबाहीले आम सर्वसाधारण मर्कामा परेको बताउँछन् । मास्कमा
सर्वसाधारणहरू ठगिएको उनको भनाइ छ । मास्कको बिल नै नभए पनि स्टिमेट बिलमा
मात्र कारोबार भएको पाइएको उनी बताउँछन् ।
१ सय एमएलको सेनिटाइजर ९०
रुपैयाँमा खरिद गरेर त्यसलाई व्यापारीले १ सय ६५ रुपैयाँमा बिक्री गर्ने
गरेको पाइएको भट्टराईको भनाइ छ । ३ रुपैयाँमा होलसेल खरिद गरेको मास्क १०
रुपैयाँमा बेच्दा व्यापारीहरूले २ सय ७० प्रतिशतभन्दा बढी मुनाफा राखेर
बिक्री गरिरहेको बताए । इटहरीका अधिकांश पसलहरूमा मास्कको कालोबजारी भएको
भन्दै आफूहरू गम्भीर भएको उपमहानगरले जनाएको छ ।
३ रुपैयाँ खरिद मूल्य
रहेको मास्क १० रुपैयाँमा बेच्न नमिल्ने जिल्ला प्रशासन कार्यालय सुनसरीका
प्रशासकीय अधिकृत त्रिलोचन न्यौपानेले बताए । मास्क र सेनिटाइजरमा बढी
मुनाफा राखेको पाइएकाले यसलाई नियन्त्रण गर्न उपमहानगर, जिल्ला प्रशासन र
राजश्व कार्यालयको बैठक बसेर तीन दिनभित्रमा नतिजा आउने गरी कार्यान्वयन
गरिने बताएका छन् । मास्कको मूल्य ५ रुपैयाँभन्दा बढी हुन नहुने उनको भनाइ
थियो ।
पाँच रुपैयाँभन्दा बढीमा मास्क नबेच्न निर्देशन
कोरोनाको
त्राससँगै बजारमा मास्कको अत्यधिक माग भए पछि कालोबजारी सुरु भएको छ ।
मास्कमा व्यापारीहरूले कालोबजारी गरेको भन्दै इटहरीमा बजार अनुगमन भएको छ ।
बजारमा मास्कको मूल्य अत्यधिक बढाएको भन्दै ५ रुपैयाँभन्दा बढी मूल्यमा
मास्क नबेच्न व्यापारीहरूलाई निर्देशन दिएको हो ।
जिल्ला प्रशासन
कार्यालय, उपभोक्ता अधिकारकर्मी, प्रहरी र सञ्चारकर्मीसहितको टोलीले अनुगमन
गर्दा १० रुपैयाँमा बेच्ने गरेको पाइएको छ । ‘अनुगमनका क्रममा मास्क खरिद
मूल्यभन्दा पाँच गुणासम्म बढीमा बेच्ने गरेको पाइयो’–इटहरी उपमहानगर राजश्व
प्रशासन शाखा प्रमुख नवीन भट्टराईले भने ।
पाँचवटा औषधि पसलको अनुगमन
गर्दा चारवटाले त सर्जिकल मास्क खरिद गरेको बिलसमेत देखाएनन् । खरिद मूल्य र
अधिकतम् बिक्री मूल्यको अन्तर धेरै पाइएकाले अब उद्योगमै पुगेर समेत
अनुगमन गरिने उनको भनाइ थियो । भट्टराईले भने, ‘सर्वसाधारण मास्क किन्न
नसकेर एउटै मास्क धोएर लगाइरहेका छन्, बजारमा भने यस्तो छ । पाँच रुपैयाँमै
बेच्दा पनि दोब्बर बढी फाइदा हुन्छ ।’
