Trending Tags

सुनिहाङ्गा मृत्यू प्रकरणः पतिलाई अनुसन्धानको दायरा ल्याउन माग, न्यायका लागि संघर्ष गर्ने तयारी

alt
  • आश्विन ४, २०७७
  • खिलानाथ विश्वकर्मा

विजयपुर । भाद्र २२ गते आफ्नै कोठामा मृत फेला परेकी धरान ११ की सुनिहाङ्गमा लिम्बूका सिङ्गपुर पुलिसमा कार्यरत पति युबी भनिने आईत माबोलाई अनुसन्धानको दायरामा ल्याउन माइती पक्षले माग गरेको छ ।

आइतबार पत्रकार महासङ्घ सुनसरीको सभाहलमा पत्रकार सम्मेलन गर्दै माईती पक्षले न्यायका लागि अभियान समिति समेत गठन गरेको जनाएको छ ।

मृतक सुनिहाङ्माका काका अरुण तिगेलाले मृत्यू प्रकरणमा किटानी जाहेरीमा नाम उल्लेख भएका ५ जना मध्ये पति आईत माबोलाई अनुसन्धानको दायरा नल्याउनुले मृत्यु प्रकरणमा अनेक चलखेल भएकोे आशङ्का लागेको बताए । उनले मृतकको अवस्था र केटा पक्षको परिवारले दिएको अभिव्यक्तिले नै आत्महत्या नभई हत्या भएको दावी गरे । सुनिहाङ्गमाको मृत्यूको कुरामा घरपरिवारले भनेजस्तो स्थलगत अनुगमनमा केहि नपाइएको बताए । उनले भने,‘ यस्ता बनावटी कुराले हामीलाई थप शङ्का उत्पन्न गराएको छ ।’

उनले ज्यान सम्बन्धी कसूर मुद्दामा हिरासतमा रहेका ४ जना अभियुक्त मध्ये एक जनालाई कोरोना संक्रमणको बहानामा आफुहरुलाई जानकारी नदिई छाडिएको, पोष्टमार्टम रिपोर्ट सार्वजनिक गर्न ढिलाई गरेको भन्दै प्रहरी प्रशासन माथि नै थप शङ्का उपशङ्का उत्पन्न भएको बताए ।

छथर गाउँपालिकाका अध्यक्ष सन्तोष तिगेलाले धेरै नेपाली चेलीहरुले न्याय नपाउनुमा विभिन्न खाले चलखेल र कानुनी बाधा अड्चन मुख्य कारक रहेको यो घट्नाले प्रष्ट पारेको बताए । उनले थपे, ‘कानुनमा भएको कुरालाई कार्यान्वयनमा ल्याउन सडकमै आउनु पर्ने वातावरण बन्नु दुखद् हो ।’

मृतक लिम्बूको न्यायको लागी भन्दै छथरे समाज धरानका अध्यक्ष मोहनप्रसाद तिगेलाको संयोजकत्वमा ५ सय १ सदस्यीय समिति पनि गठन भएको छ ।

समितिमा १२ जना सहसंयोजक रहेका छन । समितिका संयोजक मोहनप्रसाद तिगेलाले रातको १२ बजे घट्नास्थलमा पुगि घट्ना प्रकृति र सम्धिसँगको कुराकानीको आधारमा आत्महत्या नभई हत्या भएको दावी गरे । उनले मृतकको श्रीमान र आफन्तहरुले विभिन्न संचारमाध्यम र समाजिक सञ्जालमा दिएको अभिव्यक्ति र अनुसन्धान प्रक्रिया ढिलाई हुनुले घटना थप रहस्यमय बन्दै गएको वताए । समितिले सुनिहाङ्गमाको न्यायको लागि आवश्यक पहल र संघर्षका कार्यहरु गर्दै जाने बताएको छ ।

 

धरानमा १७९ सहित  प्र ...

ब्लाष्टखबर । धरानमा १७९ जना सहित  प्रदेश १ मा  ...

हामी दशैलाई 'शिउरी प ...

    महेश नेपाली   देशमा गणतन्त्र ...

धरानमा थप १ काेराेना ...

ब्लाष्टखबर । धरान उपमहानगरपालिकाका थप एक काेराेना संक्र ...

पथरीशनिश्चरेमा कोरोन ...

पथरीशनिश्चरे । मोरङको पथरी शनिश्चरे नगरमा पनि कोरो ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved