धरानमा तोकिएभन्दा बढी मूल्यमा कुहिएको तरकारी बेचिँदै, छैन अनुगमन

alt
  • चैत्र २१, २०७६
  • ब्लाष्ट खबर

धरान /बिहीबार बिहान धरान–१५ स्थित लक्ष्मी टोलमा तोकिएको मूल्य भन्दा बढि असुल गर्ने तरकारी व्यापारी र स्थानीयविच झण्डेझडप नै भयो । गाडीमा ल्याएको तरकारी तोकिएको मूल्य भन्दा बढिमा विक्रि गरिएको विषय बाहिर आए पनि उपमहानगरले तथा सम्बन्धित वडा अध्यक्षले खासै चासो देखाएनन् । बढि मुल्यमा विक्रिगर्ने व्यापारीलाई उपमहानगरपालिकाले कुनै एक्सन लिएन ।

विहानको विषयमा कुनैप्रतिक्रिया नआए पछि दिउसो तिर धरान–१५ र ८ को विच राजमार्ग क्षेत्रमा तरकारी बेच्ने गाडीले पनि तोकिएको भन्दा बढि रकम असुलिरहेको थियो । प्लाष्टिकको झोलामा लगाएको तरकारी आधाउदी कुहिएकोमात्र हुने गरेको समेत स्थानीयले गुनासो गदैंआएका छन् । धरान १५ मा दिलु कटवालले अदुवा लिन खोज्दा रु १६० भनेपछि अनि गाडीको अगाडीको ढोकामा टासेको मूल्यसूचीमा रु १४० मात्रै लेखेको छ भनेर प्रश्न गर्दा गाडि लिएर तरकारी बिक्री गर्न आएकाहरूले गाडीको पछाडी त टासेको छैन नि त भन्ने जवाफ दिएका थिए ।

यता राजमार्गमा विक्रि गदैं गरेका व्यापारीले भने मोटरकोसा प्रति केजी नगरपालिकाले ६० तोकेको छ,हामी ४० रुपैया मै दिइरहेका छौं भन्दै कुहिएको मोटरकोसा धमाधम विक्रि गदैं थिए । जवकी विहीबार उपमहानगरपालिकाले मोटरकोसाको भाउ प्रतिकेजी ३५ रुपैया मात्र तोकेको थियो । बढि भाउमा कुहिएको तरकारी बेचेर उपभोक्ताहरुलाई ठगी गरिरहेको स्थानीयले बताएका छन् । ‘गुणस्तरिय सामान आए उपभोक्ताले बढि मूल्य तिरे भए पनि किन्छन् । नगरपालिकाको उपभोक्तालाई सूविधा दिएको बहानामा कुहिएको तरकारी बजारमा विक्रि गरि ठगी धन्दा उचित भएन ।'-एक स्थानीयले भने ।

उपमहानगरपालिकाले यसको जिम्मेवारी वडा अध्यक्षलाई दिएको छ । बजारमा तरकारी  कसरी विक्रि भइरहेको छ भन्ने विषयमा अनुगमन भएको छैन् । व्यापारीहरु विना माक्स तरकारी बेच्ने र किन्न आउनेहरुको समेत भीडभाड पनि कतिपय स्थानमा हुने गरेको छ । धरान उपमहानगरपालिका भने तरकारी व्यवस्थित गरेर घरघरमा पु¥याएको बताउदैं आएको छ । उपमहानगरले भने जस्तो व्यवस्थित हुन सकेको छेन् । उपमहानगरपालिकाले तरकारी विक्रि वितरण उपसमिति बनाएर वडाअध्यक्ष जिम्मेवार हुने गरि घरघरमा तरकारी पु¥याउने व्यवस्थापन गरिएको थियो । तर अनुगमनको अभावमा व्यावसायीहरुले मनोमानी गरिरहेको स्थानीयले बताएका छन् ।

शुक्रबारकाे तरकारीकाे भाउ यस्ताे छ ।

tarkari 21

स्वास्थ्यमन्त्री ढक ...

विवेक मिश्र मोरङ / कोरोना भाइरसका कारण लकडाउन हुदा ...

प्रदेश २ मा २३२ संक ...

 धरान  /  प्रदेश २ मा संक्रमितको संख्या ...

नेपालमा ६८२ मा संक्र ...

धरान  / स्वास्थ्य तथा जनसंख्या मन्त्रालयको पछिल् ...

धरानको कोभिड अस्पताल ...

धरान । धरान मुस्लिम समाजले बीपी कोइराला स्वास्थ्य विज्ञ ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved