प्राकृतिक सम्पदालाई विगारेर भौतिक संरचना निर्माण भएकोमा युमा साम्यो महासभाको आपत्ति

alt
  • माघ १६, २०७६
  • बसन्त लिम्बू

ताप्लेजुङ । युमा साम्यो महासभाले लिम्बूहरुको शिरलाई बिगारेर प्रकृति पूजक युमा साम्योहरुको अपमान हुने गरी भौतिक संरचना निर्माण भएकोमा आपत्ति जनाएको छ ।

उसले विहिवार सदरमुकाम फुङ्लिङमा पत्रकार सम्मेलन गर्दै फक्ताङ्लुङ गाउँपालिका वडा नं ६ लेलेपको साँघुमा रहेको चोत्लुङ अर्थात् मनोकाँक्षा पूरा हुने पवित्र स्थल हातामै फाल्गुनन्दको सालिक निर्माणले प्रकृति पूजकहरुको अपमान भएकोले त्यसलाई तुरुन्त रोक्न माग गरेको हो ।

आफुलाई प्रकृति पूजक पक्षधरहरुको संस्था दावी गर्ने साम्योमा आबद्ध अगुवाहरुले किराँत धर्म गुरु फाल्गुनन्दलाई ‘हिन्दुकृत जोसमनीपन्थी’को समेत संज्ञा दिएका छन् । लिम्बू समुदायमा किराँत र यूमा धर्म प्रचलनमा छ । यूमा धर्म मान्नेहरुले किराँत धर्म गुरु फाल्गुनन्दको धर्म प्रेरित बिचारलाई हिन्दु धर्मसंग तुलना गर्छन् ।

युमा साम्यो महासभाका अध्यक्ष देबेन्द्रकुमार वनेमद्धारा हस्ताक्षरित बिज्ञप्तीमा तागेरा निङ्वाफुलाई किराँत धर्मको सर्बोच्च आत्मा, परमब्रम्हा र जगत्जननी भएको दावी गर्दै उनैको उपस्थिति रहेको प्रकृतिलाई बिगारेर फाल्गुनन्दको प्रतिमा स्थापना गर्न नहुने उल्लेख छ ।

लेलेपको साँघुमा प्रदेश निर्वाचन क्षेत्र बिशेष कार्यक्रम अन्र्तगत स्थानीय पूर्वाधार विकास कार्यक्रममार्फत ५० लाख रुपैंयाको लगानीमा फाल्गुनन्दको प्रतिमा सहितको भौतिक संरचना निर्माणको कार्य अघि बढेको थियो । निर्माण भईरहेको फाल्गुनन्दको प्रतिमा सहितको भौतिक पूर्वाधार एक समूहले भत्काएपछि बिबाद हुदैं आएको छ ।

‘प्रकृतिपूजकको अपमान हुने गरी भएको निर्माण कार्य र पछिल्ला बिवादलाई सहि समाधान दिन हामी सम्वन्धित सबैको ध्यानाकर्षण गर्छौं’युमा साम्यो महासभाका केन्द्रीय सल्लाहकार लक्ष्मण मेन्याङ्वोले भने

लकडाउनमा ब्राउन सुगर ...

मोरङ/मुलुक लकडाउन भइ ...

गायक डिल्ली फोम्बोको ...

धरान । गायक डिल्ली फोम्बोको नयाँ गीतको भिडियो रिलिज भएक ...

केकीको धमाकेदार प्रस ...

धरान । माया पुन मगरको नयाँ गीत ‘नेपालकी छोरी&rsqu ...

कोरोनाको लक्षण देखिए ...

धरान । कोरोनाभाइरसको लक्षण देखिएका अमेरिकी गायक जोन प्र ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved