माछा आयातमा स्यानिटरी सर्टिफिकेट अनिवार्य

alt
  • आश्विन २८, २०७६
  • ब्लाष्ट खबर

रङ्गेली/ सरकारले माछा र पशु आयातको नियमलाई कडाइका साथ कार्यान्वयनमा ल्याएको छ ।

एक वर्षदेखि सरकारले भारतबाट माछा मासु आयातमा ‘स्यानिटरी सर्टिफिकेट’ अनिवार्य गरेको हो । उक्त सर्टिफिकेट विना ल्याइएका माछा, मासुलाई नियन्त्रण गरेर नष्ट गर्ने गरेको छ । सरकारले माछा र पशुको आयातमा प्रतिबन्ध नलगाएको तर स्यानिटरी सर्टिफिकेट अनिवार्य गरेको पशु क्वारेन्टाइन कार्यालयका प्रमुख केशवकुमार सिंहले बताए ।

कुखुरा र हाँसको आयातमा भने सरकारले प्रतिबन्ध लागाएको छ । उक्त सर्टिफिकेट भने नेपाल सरकारले नदिएर भारतबाट लिनुपर्ने हुन्छ । उक्त सर्टिफिकेट भारतका विभिन्न ५ स्थानबाट उपलब्ध हुने प्रमुख सिंहले बताए । स्यानिटरी सर्टिफिकेट भएकालाई मात्र माछा आयात गर्न दिने गरेको उनले बताए ।

सर्टिफिकेटसहित माछा आयात गरे पनि नेपालतर्फको पशु क्वारेन्टाइन कार्यालयमा परीक्षण गर्ने कुनै यन्त्र छैन । भारतबाट आयात गरिएका माछा खान योग्य भए नभएको हेरेर र छामेर क्वारेन्टाइनका कर्मचारीले छाड्ने गरेका छन् । परीक्षणको लागि आवश्यक यन्त्र नभएकोले हेरेर मात्र छाड्ने गरेको पशु चिकित्सक अरविन्द कुमार मण्डलले बताए । ‘ खान योग्य भए नभएको परीक्षण गर्ने किट सकिएको छ ।’ उनले भने ‘ माथि विभागले पनि नपाएर पठाउन सकेको छैन ।’

भारतबाटै स्यानिटरी सर्टिफिकेट लिएर मात्र माछा आयात गर्नुपर्ने भएपछि व्यापारीहरूले पनि त्यसलाई ‘रिन्यू गरिरहनु पर्ने हुन्छ । समयमा रिन्यू गर्न नसक्दा माछा आयातसमेत अवरोध हुने गरेको छ । भदौ महिनाको अन्तिममा पनि केही दिन माछा आयात रोकिएको थियो । व्यापारीले सर्टिफिकेट समयमा रिन्यू गर्न नसक्दा आयात रोकिएको चिकित्सक मण्डलले बताए ।

भारतबाट आर्थिक वर्ष २०७४/७५ मा खानेमाछा मङ्ग्री, कमन कार्प, नैनी, जलकपुर लगायतका माछा १ हजार ७ सय ८९ मेट्रिकटन आयात भएको थियो । गत आर्थिक वर्ष २०७५ /७६ १ हजार ४ सय ३९ दशमलव शुन्य ६ मेट्रिकटन माछा आयात भएको थियो । गत आर्थिक वर्षमा माछा आयात रोकिनुमा सरकारले स्यानिटरी सर्टिफिकेटमा कडाइ गरेको कारणले केही समय रोकिएको प्रमुख सिंहले बताए ।

गत आर्थिक वर्षमा चैत्रदेखि वैशाख मध्यसम्म माछा आयात रोकिएको उनले बताए । भारत र तेस्रो मुलुकबाट माछा, मासु, पशु आहारलागायतका सामग्री आयात गर्दा स्यानिटरी सर्टिफिकेट अनिवार्य गरेको सिंहले बताए । आर्थिक वर्ष २०७५/७६ मा कार्यालयले सर्टिफिकेट बिना ल्याइएका २ सय ९० केजी माछा पनि नष्ट गरेको छ । यसै आर्थिक वर्षमा कार्यालयले अवैध रूपमा समातिएका पशुपक्षी तथा पशु जन्य पदार्थ र उत्पादन सामाग्रीमाथि गरेको कारवाहीमा १ लाख १३ हजार जरिवाना गराएको छ । पशु क्वारेन्टाइन कार्यालय विराटनगरले मोरङको रानी, सुनसरीको भण्टाभारी र सिरहाको माडर भन्सार कार्यालय हेर्छ ।

त्यसगरी कार्यालयले यस आर्थिक वर्षको साउन महिनामा ५४ वटा प्रतिबन्धित बोइलर कुखुरा नष्ट गरेको छ । त्यसैगरी २४ सय बोइलर कुखुराका चल्ला पनि नष्ट गरेको छ । बोइलर कुखुकाराको २० केजी मासु पनि नियन्त्रणमा लिएर नष्ट गरेको प्रमुख सिंहले जानकारी दिए । साथै कार्यालयले ४८ वटा भैंसीका पाडा पनि लिलामी गरेको छ । कार्यालय भदौ महिनामा ६ सय ७२ कुखुरा नष्ट गरेको प्रमुख सिंहले जानकारी दिए ।

क्वारेन्टाइनमा रहेका ...

दिनेश सुब्बा पथरी / कानेपोखरी गाउँपालिकाको वयरवन स ...

काम कुरो एकातिर, कुम ...

तुलसीप्रसाद दुलाल लगातार तीन बर्ष बजेट निर्माण गर् ...

आजको राशिफल, जेठ २२ ...

वि.सं. २०७७ जेठ २२। बिहीवार। इ.स. २०२० जुन ४। ने.सं. ११ ...

कोरोनाको महामारी र र ...

वर्तमान स्थितिमा लक्डाउन मात्रै महामारी फैलिन नदिन सफल ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved