सानो पाथिभरामा प्रसादको भण्डारा लगाइने

alt तस्बिरः गुगल
  • आश्विन १२, २०७६
  • रासस

इलामको कुटीडाँडास्थित पाथिभरा मन्दिरमा आउँदो बडादशैँको फूलपातीका दिन प्रसादको भण्डारा लगाइने भएको छ । झापाको विर्तामोडका व्यवसायीको आयोजनामा यही असोज १८ गते फूलपातीका दिन प्रसादको भण्डारा लगाइने भएको हो ।

यस वर्ष आयोजना गर्न लागिएको भण्डारा दशौँ पटकको हुने पाथिभरा भण्डारा समितिका सदस्य सन्तोष अग्रवालले जानकारी दिए । चैतेदशैँ र बडादशैँ गरी वर्षमा दुईपटक भण्डारा लगाउने गरिएको उनले बताए ।

यसपटक लगभग छ हजार भक्तजनलाई पुग्ने गरी भण्डारा लगाउने तयारी गरिएको छ । दशैँको बेला पाथिभरामा भक्तजनको घुइँचो लाग्ने भएकाले दशैँको अवसरमा प्रसादको भण्डारा लगाउने गरिएको पनि अग्रवालले जानकारी दिए । प्रसादको भण्डारा लगाउन थालिएको आधा दशकको यो अवधिमा पाथिभरा भण्डारा समितिले दर्शनार्थीको सुविधाका लागि पाथिभरा क्षेत्रमा विभिन्नखाले सुविधायुक्त संरचनासमेत निर्माण गरिदिएको छ ।

पहिलो भण्डारा लगाउँदा पानी बोकेर मन्दिर परिसरमा पुर्याउँदा झेल्नु परेको समस्यालाई दृष्टिगत गरी विर्तामोडको मनिषा आइरनले ६ लाख ५० हजार खर्च गरेर मेची राजमार्ग छेउको मुहानबाट पाइपलाइन विस्तार गरी डाँडाको मन्दिरसम्मै शुद्ध खानेपानीको सुविधा पुर्याएको छ । विर्तामोडकै जनता केवलका सञ्चालक पवन अग्रवालले डाँडामा फिल्टर ट्याङ्की राखी चिसो र तातोपानीको व्यवस्था गरिदिएको छ ।

यस वर्षको भण्डारा लगाइने दिन स्टिलका १४ थान बेञ्च पनि सहयोग गर्ने कार्यक्रम रहेको छ भने त्यहाँ जग्गा उपलब्ध हुँदा हनुमान मन्दिर निर्माण गर्ने सोच पाथिभरा भण्डारा समितिले बनाएको छ । व्यवसायीहरुकै सहयोगमा मन्दिर समितिलाई भाँडाकुँडा पनि उपलब्ध गराइएको अग्रवालको भनाइ छ ।

धरान १६ नौलो बस्तीमा ...

धरान । दुईतिर टिनले छाएका बाक्लै घर । मध्य भागमा स ...

भारतबाट आएका सुनसरीक ...

भण्टाबारी । दुई हप्ताअघि भारतबाट आएका सुनसरीका सातजना क ...

युएईमा समस्या परेका ...

धरान । कोरोनाका कारण वैदेशिक रोजगारी अन्तर्गत युएईमा रह ...

डडेल्धुराको क्वारेन् ...

धरान । कर्णाली प्रदेशको डडेल्धुराको क्वारेन्टिनमा रहेकी ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved