कारगिल युद्धको बीस वर्षः २८६ रेजिमेन्टले १८ बोफोर्स, अढाई लाख गोलाबारुद सकेकाे थियाे

alt
  • श्रावण १०, २०७६
  • ब्लाष्ट खबर

कारगिल युद्धका क्रममा भारतीय स्थल सेना, वायुसेना र नौसेनाको अदम्य वीरता र साहसले पाकिस्तानलाई हरेक मोर्चामा पराजित गरेको थियो । आज २६ जुलाई, कारगिल युद्धको २० वर्ष पूरा भएको छ । भारतले आज ती वीर जवानको स्मृति गरेको छ । द्वितीय विश्वयुद्धपछि पहिलो पटक यति ठूलो सङ्ख्यामा गोलीबारी भएको थियो ।

कारगिल युद्धका बारेमा भारतीय सञ्चारमाध्यम अमरउजालामा आधारित यो सामग्रीः

कारगिल युद्धका क्रममा भारतीय सेनाको आर्टिलरी (तोपखाना) ले अढाई लाख गोला, बम र रकेट प्रहार गरेको थियो । जसले उचाइमा बंकरमा लुकुर बसेका झण्डै ८० प्रतिशत दुश्मन मारिएका थिए ।

car-geel2

यो युद्धमा स्वीडेनबाट किनिएको बोफोर्स तोपले काम गरेको थियो । यही बोफोर्सकै कारण भारतीय सेनाले युद्धको स्वरुप नै परिवर्तन गरिदिएको थियो ।

यो युद्धमा २८६ मिडियम रेजिमेंटको १८ बोफोर्स तोपले २५ दिन फायरिङका क्रममा यसलाई काम नलाग्ने बनाइदिएको थियो । खासमा यो बोफोर्सको आयु ४० वर्षसम्म रहने बताइन्छ ।

सामरिक रुपमा महत्वपूर्ण टाइगर हिल्समा कब्जा गर्ने दिन भारतीय आर्टिलरीले ९ हजार गोली फायरिङ गरेको थियो । यो आफैंमा कीर्तिमान हो ।

यो युद्धमा प्रतिदिन ३ सय तोपले ५ हजार गोला फायर गरेको थियो । भनिन्छ, दोस्रो विश्वयुद्धपछि पहिलो पटक यति धेरै गोलीबारी भएको थियो ।

car-geel1

भारतीय वायुसेनाले अपरेशन सफेद सागरअन्तर्गत कारगिल युद्धमा जम्मा ६ हजार ५ सय उडान गरेको थियो । जसमा युद्धक विमान, परिवहन विमान, हेलिकोप्टर र इन्टरसेप्टर प्लेन प्रयोग भएका थिए ।

यो युद्धमा भारतीय वायुसेनाको लडाकू विमानले १२ सय उडान भरेको थियो । जसमा ५५० उडानमा विमानले बमवर्षा गरेको थियो ।

यस क्रममा भारतीय सेनाको मिग–२१, मिग–२३, मिग २५, मिग २७, मिग २९, जगुआर, मिराज–२०००, र एमआई–१७ हेलिकोप्टरको प्रयोग गरिएको थियो ।

car-geel3

युद्धका क्रममा वायुसेनाले ६ हजार ५ सय टन गोलाबारुद, पानी र अन्य बन्दोबस्तीका सामग्री ढुवानी गरेको थियो । यसमा २५ प्रतिशत उडान वायुसेनाको पश्चिमी कमानले गरेको थियो ।

भारतीय नौसेनाको पश्चिमी कमानले अरब सागरमा पाकिस्तानलाई मजबुत रुपमा घेराबन्दी गरेको थियो ।

यस क्रममा कुनै पनि पाकिस्तानी जहाजले आफ्नो समुद्री सीमा पार गर्न सकेको थिएन । पाकिस्तानको कराची, ग्वादरलगायतका कयौं पोर्ट युद्धका क्रममा खाली भएका थिए ।

car-geel5

को हुन् लेखक–पत्रकार ...

पत्रकारिता आम सञ्चारमाध्यमको एउटा साधन, सीप र कला हो । ...

दमक भ्यूटावरमा पाइलक ...

दमक/ झापाको दमक–३ आँपगाछीमा भ्यूटावर निर्माणको का ...

कोरोनाविरुद्ध सरकार ...

असोज लागेयता सरकारले कोरोना महामारीको हकमा एकपछि अर्को ...

आजको राशिफल, कात्तिक ...

श्री शालिवाहनीय शाके १९४२, ने. सं. ११४०, वि.सं. २०७७ सा ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved