अभिताम बच्चन देखि आलियासम्म क्वारेन्टाइनमा, सोनम आइसोलेसनमा

alt
  • चैत्र ७, २०७६
  • ४६९ पटक पढिएको
  • ब्लाष्ट खबर

एजेन्सी / कोरोना भाइरसको प्रकोपलाई मध्यनजर गर्दै बलिउडका थुप्रै कलाकारहरू सेल्फ क्वारेण्टाइनमा बसेको सार्वजनिक गरेका छन् । जसमा बिगबी अभिताम बच्चनसमेत रहेका छन् । उनले कोरोनाको प्रभावबाट बच्नका लागि सेल्फ क्वारेण्टाइनमा बसेको बताएका हुन् । उनले ट्वीट गर्दै यसबारे जानकारी गराएका छन् ।

उनले बीएमसीको तर्फबाट हातमा लगाइएको क्वारेण्टाइनको स्ट्याम्पसमेत पोष्ट गरेका छन् । अहिले बीएमसीले क्वारेण्टाइनमा बस्नेहरूको सूचीका लागि मानिसहरूको हातमा स्ट्याम्प लगाइरहेको छ । अमिताभ केही दिनसम्म आइसोलेसनमासमेत बस्ने जनाइएको छ । उनी अहिले ब्रह्मास्त्रको सुटिङमा व्यस्त रहेका थिए । तर, कोरोनाका कारण अहिले फिल्मको छायाङ्कन रोकिएको छ ।

बच्चनजस्तै अहिलेकी चर्चित नायिका आलिया भट्ट पनि आफ्नै घरमा क्वारेण्टाइन बनाएर बसेकी छन् । उनले पनि सामाजिक सञ्जालमा सेल्फ क्वारेण्टाइनमा बसेकोबारे जानकारी गराएकी हुन् । उनी पनि ब्रह्मास्त्रको छायाङ्कनमा व्यस्त रहेकी थिइन् । अर्का नायक अर्जुन कपुर पनि इन्स्टाग्रामबाट आफू क्वारेण्टाइनमा बसेको सार्वजनिक गरेका छन् । उनले कोरोनाबारे सजगता अपनाउनका लागि लामो समयदेखि सबैलाई आह्वान गर्दै आइरहेका थिए । उनले सबैलाई सेल्फ क्वारेण्टाइनमा बस्नका लागि आग्रह गरिरहेका छन् ।

कोरोनाको त्रासका कारण बेलायत पुगेकी बलिउड नायिका सोनम कपुर भारत फर्किएकी छन् । व्यवसायी आनन्द अहुजासँग विहे बन्धनमा बाँधिएकी कपुरले इन्स्टाग्राममार्फत् आफू बेलायतबाट भारत फर्किएको बताएकी हुन् । उनले श्रीमान्सहित भारत फर्किन लागेकोबारे सामाजिक सञ्जालमा जानकारी गराएकी थिइन् । उनले आफू भारत जानका लागि निकै आतुर रहेको खुलाएकी थिइन् । भारत आइसकेपछि विमानस्थलमा भारतीय सरकारले कोरोनाविरुद्ध चालेको अभियानको खुलेर तारिफ गरेकी छन् ।

घरमै बसिरहेकी भए पनि आइसोलेसनमा बस्नका लागि आफू तयार रहेकोसमेत बताएकी छन् । उनले भीडभाडमा नजानका लागि पनि मानिसहरूलाई आग्रह गरेकी छन् ।

लकडाउनमा फसेका विदेश ...

धरान । लकडाउनका कारण विभिन्न स्थानमा फसेका पर्यटकहरूको ...

छथरका ६० परिवारलाई र ...

धरान  / महामारीवाट वच्नको लागि गरिएको लकडाउनक ...

आइसोलेशन वार्डको लाग ...

पथरी । मोरङ पथरीशनिश्चरे–२, मा रहेको हरियाली सामु ...

पत्रकारले दिए गरिव त ...

वराहक्षेत्र/ वराहक्षेत्र नगरपालिकाको ग्रामीण पत्रकार सम ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved