ताप्लेजुङका यी स्थानीय तहमा फाल्गुनन्द जयन्तीमा सार्वजनिक विदा

alt
  • कार्तिक २२, २०७६
  • १३७ पटक पढिएको
  • बसन्त लिम्बू

ताप्लेजुङ । ताप्लेजुङका केही स्थानीय तहले फाल्गुनन्द जयन्तीका दिन सार्वजनिक बिदा दिने भएका छन् । १६ औं राष्ट्रिय विभूति तथा समाज सुधारक फाल्गुनन्द लिङ्देनको १३५ औं जन्म जयन्तिको अवसरमा जिल्लाको फुङ्लिङ नगरपालिका र फक्ताङ्लुङ गाउँपालिकाले सार्वजनिक विदा दिने भएका हुन् ।

आउँदो साताको सोमबार अर्थात कात्तिक २५ गते महागुरु लिङ्देनको जन्म जयन्तीका दिन सार्वजनिक विदा दिने निर्णय गरिएको फुङ्लिङ नगरपालिकाका प्रमुख छत्रपति प्याकुरेलले जानकारी दिए । गत वर्षदेखि नै प्रत्येक वर्ष लिङ्देनको जन्म जयन्तीमा सार्वजनिक विदा दिने नगरसभाले निर्णय गरेको नगर प्रमुख प्याकुरेलले बताए । यस्तै फक्ताङ्लुङ गाउँपालिकाले पनि बिहीबार विज्ञप्ति प्रकाशित गर्दै लिङ्देनको जन्म जयन्तीका दिन सार्वजनिक विदा दिने निर्णय गरेको जनाएको छ ।

बुधबारको कार्यकालिका बैठकले लिङ्देनको जन्म जयन्तीका आउँदो सोमबार सार्वजनिक विदा दिने निर्णय गरेको फक्ताङ्लुङ गाउँपालिकाका प्रमुख प्रशासकीय अधिकृत सन्तोष श्रेष्ठद्वारा जारी विज्ञप्तिमा उल्लेख गरिएको छ ।

जिल्लाको पूर्वी सिदिङ्वा गाउँपालिकाले पनि उक्त दिन सार्वजनिक विदा दिने तयारी गरेको तर, औपचारिक निर्णय हुन बाँकी रहेको गाउँपालिकाका उपाध्यक्ष जीवनकुमार ताम्लिङले जानकारी दिए । ताम्लिङका अनुसार गत वर्ष विदा दिइएकाले यसवर्ष पनि लिङ्देनको जन्म जयन्तीका दिन सार्वजनिक विदा दिने गाउँपालिकाको तयारी रहेको छ । उता लिङ्देनको जन्म जयन्ती किराँत धर्मसँग सम्वद्ध सङ्घ÷संस्थाहरुले विभिन्न कार्यक्रम गरी भव्य रुपमा मनाउने गर्दछन् ।

मिक्लाजुङमा खानेपानी ...

मधुमल्ला /  नेपालमा सुगम जिल्लाहरुको सुचि बनाउने ह ...

बालिका हराउनेक्रम बढ ...

  काठमाडाैं / पछिल्लो समयमा बालकभन्दा बालिक ...

दल बदलको राजनीति ...

हरेक चुनावका बेला राजनीतिक दलहरूबीच एउटा दलका कार्यकर्त ...

नेकपाले धरानको समृद् ...

– नेकपाले धरान उपमहानगरपालिकाको प्रमुख पदको उम्मे ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved