आर्मी अन्तिम चारमा

alt
  • कार्तिक २१, २०७६
  • ८८ पटक पढिएको
  • प्रेम आचार्य

बिर्तामोड/ उपाधिको दाबेदार मानिएको विभागीय टोली त्रिभुवन आर्मी क्लबले झापाको बिर्तामोडमा जारी हाम्रो पूर्वाञ्चल गोल्डकपको सेमिफाइनलमा प्रवेश गरेको छ ।

आर्मीले पाहुना टोली मोलवे आसामलाई २–० गोल अन्तरले हराउँदै सेमिफाइनलको यात्रा तय गरेको हो । सेमिफाइनलमा आर्मीले सिक्किम आक्रामक एफसीसँग प्रतिस्पर्धा गर्नेछ । आर्मीको जितका लागि टेकबहादुर बुढाथोकीले गोलको खाता खोलेका थिए ।

खेलको छैटौं मिनेटमा रमेश भुजेलले डि बक्सभित्र मिलाइदिएको पासलाई बुढाथोकीले वान टचमा पोष्टको दिशा दिए । दोस्रो गोल नियमित स्ट्राइकर दीपक गुरुङले गरे । खेलको ७४ औं मिनेटमा मैदानको मध्यभागमा पाएको फ्रि किकलाई सदुपयोग गर्दै गुरुङले गोल गरेका थिए । गुरुङको प्रहारले आसामका गोलरक्षक अल्बर्ट हमरलाई टच हुँदै पोष्टको जाली चुमेको थियो ।

आर्मीका स्कोरर टेकबहादुर बुढाथोकीले ४१ औं मिनेटमा डि एरियामा पाएको पासलाई गोल गर्न नसक्दा स्कोर दोब्बर गर्ने अवसर गुमाए । ५४ औं मिनेटमा आर्मीका भगवान श्रेष्ठको प्रहार विपक्षी पोष्टमा लागेर फर्कियो । ६४ औं मिनेटमा बुढाथोकीले पुनः डि एरियामा पाएको बललाई विपक्षी पोष्टमा फितलो प्रहार गरे । अनमार्क रहेका उनको प्रहार आसामका गोलरक्षक हमरले सहजै नियन्त्रणमा लिए ।

आसामले आर्मीको पोष्टमा कुनै जोखिमपूर्ण आक्रमण बुन्न सकेन । खेलको ७० औं मिनेटमा आसामका लालमिङलु भङकलको प्रहारलाई आर्मीका गोलरक्षक विवश चौधरीले नियन्त्रणमा लिन सकेनन् । उनको हातबाट फुत्किएको बललाई आसामकै इडवार्ड भङकलले प्रहार गरेका थिए । गोलकिपर बीट भइसकेको अवस्थामा उनले गरेको फितलो प्रहार आर्मीका डिफेन्डरले गोललाईनबाट बचाएका थिए ।

खेलको म्यान अफ द म्याच विजेता टिम त्रिभुवन आर्मीका पहिलो गोलकर्ता टेकबहादुर बुढाथोकी भए । उनले नगद १० हजार रुपैंयाँ पुरस्कार पाए । बिहीबारको खेल चर्च व्वाइज युनाइटेट काठमाडौं र गोर्खा ब्वाइज रुपन्देहीका बीच हुने आयोजक समितिले जनाएको छ ।

यौन धन्दामा लगाउने भ ...

विराटनगर /  अवैध यौन धन्दामा लगाउने एक जना भारीतय ...

१२ दल र ११ स्वतन्त्र ...

देउराली । आगामी मंसीर १४ मा हुन गइरहेको उपनिर्वाचनकालाग ...

अपडेट : दिल्ली पब्लि ...

धरान / गत भदौं २० गते राती धरान–१८ स्थित वीप ...

क्याम्बोडियन सरकारको ...

धरान / यही नोभेम्वर २१ देखि क्याम्वोडियामा हुने एस ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved