४१ वर्ष अघिदेखि अड्कीएको आठराई विमानस्थल निर्माणले गतिलिने तीनवर्ष भित्रै सम्पन्न गर्ने पर्यटन मन्त्री योगेश भट्टराईको प्रतिबद्धता

alt
  • कार्तिक ७, २०७६
  • ९२ पटक पढिएको
  • कृष्ण विदुखी गौतम

तेह्रथुम / पर्यटन तथा नागरिक उड्यनमन्त्री योगेश भट्टराईले ४१ वर्ष अघिदेखि प्रकृया अगाडी बढेर अड्कीएको आठराई विमानस्थल निर्माणले गतिलिने बताए ।
एयरपोर्टको लागि स्थलगत अध्ययनमा बिहिवार चुहानडाँडा आएका संस्कृति, पर्यटन तथा नागरिक उड्यान मन्त्री योगेश भट्टराईले एयरपोर्ट निर्माणको आवश्यक प्रक्रिया अगाडि बढी सकेको बताए ।
यो आर्थिक वर्ष भित्र विस्तृत अध्ययन प्रतिवेदन, वातावरणीय प्रभाव मुल्यांकन र टेन्डर निकाल्ने कार्य हुने भएकोले अव पक्कै एयरपोर्ट बन्ने मन्त्री भट्टराईले बताए । यही एयरपोर्टको अनुगमन गरि फर्किने क्रममा दुर्घटनामा परि म भन्दा अगाडिका मन्त्री रविन्द्र अधिकारीको निधनले पनि छिटो एयरपोर्ट बनाउनका लागि दवाव रहेको मन्त्री भट्टराईको भनाई छ । अरू एयरपोर्ट भन्दा पनि चुहानडाँडा एयरपोर्ट प्राथमिकता रहेको उनको भनाई रहेको छ । पाँचथर, ताप्लेजुङ र तेह्रथुम जिल्लाको सेन्टरमा भएकोले यो एयरपोर्ट हरेक हिसाबले उपयुक्त हुदाँ पूर्वी क्षेत्रको पर्यटन विकासको लागि यो एयरपोर्ट निर्माण हुनु महत्वपूर्ण रहेको पर्यटन मन्त्री भट्टराईले बताए ।

२०३२ सालदेखि चुहानडाँडा विमास्थल निर्माण चर्चामै सिमित
आठराई गाउँपालिका–६ चुहानडाँडामा रहेको थुम्किडाँडामा बिमानस्थल बनाउने चर्चा २०३२ साल देखि नै चल्दै आएको स्थानीयहरु बताउँछन् । पूर्व पहाडी जिल्लाहरुकै बिमानस्थल निर्माणका लागि सबै भन्दा उपयुक्त स्थान भएकाले यसअघि नै पाँच पटक सम्म सम्भााव्यता अध्ययन भएको छ । बिमानस्थाल निर्माणका लागि २०३२, २०३५, २०६९, २०७१ सालमा प्राविधिकहरुबाट सम्भाव्यता तथा संर्वेक्षण भई सकेको छ । सम्भाव्यता तथा संर्वेक्षण अध्ययनका आधारमा उपयुक्त ठहरिई २०७३ सालमा विस्तृत संर्वेक्षण भई लागत स्टिमेट समेत भएको भक्तराज स्मृति आठराई थुम्कि बिमानस्थल सरोकार समितिका अध्यक्ष तथा १ नं. प्रदेश सभाका सदस्य माननीय तेजमान कन्दङवाले बताए । पाँचथर, ताप्लेजुङ र तेह्रथुम सहितका अधिकांश क्षेत्रलाई पायक पर्ने यो बिमानस्थल निर्माणका लागि तत्कालीन प्रधानमन्त्री डा. बाबुराभ भट्टराई समक्ष २०६८ सालमा, तल्कालीन प्रधानमन्त्री सुशिल कोइराला समक्ष २०७१ सालमा हालका प्रधानमन्त्री केपि शर्मा ओलीको नेतृत्वको प्रतिनिधि मण्डलले अनुरोध गरेको थियो ।
काँग्रेस नेता कृष्णप्रसाद सिटौलासहितको प्रतिनिधि मण्डलले पुनः प्रधानमन्त्री ओली समक्ष २०७२ र २०७५ बैशाखमा बिमानस्थल निर्माण कार्यको थालनी गर्नका लागि पहल गरेको भक्तराज स्मृति आठराई थुम्कि बिमानस्थल सरोकार समितिका सचिव रामचन्द्र थपलियाले बताए ।

पटक पटक अध्ययन र अनुगमन
बिमानस्थलका लागि पटकपटक अध्ययन र प्रतिनिधि मण्डल सरकार समक्ष पुगेपनि कार्यन्वयनमा आउन नसकेको अवस्थामा पटकपटक मन्त्रीहरूको स्थलगत अवलोकनले भने एयरपोर्ट बन्छ भन्नेमा स्थानीयले विस्वास लिएका स्थानीयवासी राम वहादुर लिम्वुले बताए । आठराई क्षेत्रको आवश्यकता र समृद्धिसंग जोडिएको बिमानस्थलको जग्गा मुआब्जाका लागि रु. २ करोड ५० लाख रुपैयाँ लाग्ने समितिले जनाएको छ । नेपालको शैक्षिक र राजनीतिक इतिहासमा आठराई क्षेत्रको विशेष महत्व समेत रहेकाले आ.ब. २०७६/०७७ को बजेटमा मुआब्जा सहितको बिमानस्थलका लागि आवश्यक रकम विनियोज गर्न यसअघि आठराई बासीले संस्कृति, पर्यटन तथा नगरीक उड्यान मन्त्रालय समक्ष ज्ञापनपत्र बुझाएका थिए । २ सय ७१ रोपनी क्षेत्रमा फैलिएको सो ठाउँमा १० जना स्थानीयको जग्गा रहेको छ । मन्त्री भट्टराइ नागरिक उड्ययन प्राधिकरणका महानिर्देशक राजन पोख्रेल र प्राविधिक सहित नेपाली सेनाको हेलिकोप्टर मार्फत आठराई आईपुगेका थिए ।

यौन धन्दामा लगाउने भ ...

विराटनगर /  अवैध यौन धन्दामा लगाउने एक जना भारीतय ...

१२ दल र ११ स्वतन्त्र ...

देउराली । आगामी मंसीर १४ मा हुन गइरहेको उपनिर्वाचनकालाग ...

अपडेट : दिल्ली पब्लि ...

धरान / गत भदौं २० गते राती धरान–१८ स्थित वीप ...

क्याम्बोडियन सरकारको ...

धरान / यही नोभेम्वर २१ देखि क्याम्वोडियामा हुने एस ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved