रात्रिकालीन क्रिकेटमा नेपाल पुलिस र आर्मी विजयी

alt
  • आश्विन १६, २०७६
  • ९३ पटक पढिएको
  • अमर काफ्ले

इनरुवा/ सुनसरीको इनरुवामा जारी दोस्रो मेयर कप रात्रिकालीन टि–ट्वान्टी क्रिकेट प्रतियोगिता अन्तर्गत पछिल्ला खेलहरूमा नेपाल पुलिस क्लब र आर्मी विजयी भएको छ ।

वर्षाका कारण तीनदिन खेल अवरुद्ध भएका कारण दुई खेल खेलाइएको हो । समूह बी को पहिला खेलमा विभागीय टोली नेपाल पुलिस क्लबले विराटनगरलाई पराजित गर्दा दोस्रो खेलमा नेपाल आर्मीले वीरगञ्जलाई पाखा लगाएको हो ।

पहिलो खेलमा पुलिसले विराटनगरलाई २० रनले पराजित गरेको छ । टस जितेर ब्याटिङ गरेको पुलिसले निर्धारित २० ओभरको खेलमा १ सय ६३ रन जोडेको थियो । उसका लागि दिलिप नाथले ४५ तथा अमित श्रेष्ठले ४० रन बनाए भने योगेन्द्र कार्की २३ र प्रेम तामाङले अविजित १७ रनको पारी खेले ।

बलिङतर्फ विराटनगरका बलर मुकुन्द यादवले ३, सौगात भट्टराईले २ तथा सुमित यादवले १ विकेट लिएका थिए । १ सय ६४ रनको लक्ष्य पछ्याएको विराटनगरले २० ओभरमा ८ विकेटको क्षतिमा १ सय ४३ रन मात्र जोड्न सक्योे । उसका लागि सोनु अन्सारीले ५८, दीपक पासवानले ३६ र मुरली चौधरीले २१ रनबाहेक अन्य कुनै पनि ब्याट्सम्यानले दोहोरो अङ्क जोड्न सकेनन् । बलिङतर्फ नेपाल पुलिसका योगेन्द्र कार्कीले २ तथा ललित भण्डारी, रामनरेश गिरी, मञ्जित श्रेष्ठले समान एक–एक विकेट लिए ।

त्यसैगरी दोस्रो खेलमा नेपाल आर्मीले वीरगञ्जलाई १९ रनले पराजित गरेको छ । १ सय ६९ रनको विजयी लक्ष्य पछ्याएको वीरगञ्जले ८ विकेट गुमाएर १ सय ५० रनमात्र बनाएपछि आर्मी १९ रनले विजयी भएको हो । पुलिसका योगेन्द्र कार्की र आर्मीका हरिबहादुर चौहान म्यान अफ दी म्याच घोषित भए ।

पथरीशनिश्चरे फुटबल प ...

पथरी / मोरङको पथरीशनिश्चरेमा जारी दोश्रो पथरीशनिश्चरे ख ...

पानीपियामा दुर्घटना ...

इटहरी / इटहरी उपमहानगरपािलका –२ पानीपियामा द ...

सुनसरीलाई दुख दिने क ...

धरान / कोशी टप्पु वन्य जन्तु आरक्षको हात्तिसार उदय ...

स्थानीयले उठाए अस्पत ...

इनरुवा /  इनरुवा अस्पतालमा थुप्रिएको फोहोर स्थानीय ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved