चार महिनाको अभ्यासमा च्याम्पियनशिप भने अवतार

alt
  • आश्विन ६, २०७६
  • ८० पटक पढिएको
  • ब्लाष्ट खबर

जिरोपोइन्ट /  यहि असोज ३ र ४ गते वीरगञ्जमा सम्पन्न ओपन रेन्वो क्लासिक राष्ट्रिय बडिबिल्डिङ च्याम्पियनशिपको मेन्स फिजिक्समा बिजेता बन्न सफल भएका अवतार श्रेष्ठ र प्रशिक्षक पूर्ण लिम्बूलाई संजिवनी सुधार केन्द्र धरानले सम्मान गरेको छ ।
धरान १६ निवासी श्रेष्ठ देशभरिका १३ जना प्रतिस्पर्धीलाई पछि पार्दै विजेता बनेका हुन् । विजेता बन्दै उनले नगद ५१ हजार रुपैयाँसहित ट्रफी, मेडल र प्रमाणपत्र प्राप्त गर्दै कुलतमा फसेकाहरुको लागि उदाहरणीय बनेका छन् ।
विगतमा लागुऔषदमा फसेर सञ्जिवनी सुधार केन्द्रमा उपचार गराइ भर्खरैमात्र निस्केका थिए । सञ्जिबनी सुधार केन्द्रले संस्थामा उपचार गराइसकेका अधिकांश युवाहरुलाई संस्थाका स्वयंसेवकको रुपमा कार्य गराउने गरेकोले श्रेष्ठ पनि स्वयंसेवकको रुपमा कार्यरत रहेका छन् । कुलतलाई त्यागेर संस्था र सिंगो युवाहरूको लागि उदाहरणीय बन्न सफल भएकोमा अझ हौसला प्रदान गर्नका लागि सम्मान गरिएको सुधार केन्द्रक अध्यक्ष सम्पूर्ण ताम्राकारले बताएका छन् ।
सम्मान कार्यक्रममा बोल्दै अवतार श्रेष्ठले कुलतमा लागि सकेपछि कसैको सहयोग नलिइ आफैले नै कुलत त्याग्ने सोच बनाए पनि नसकेको तर पछि सञ्जिवनी सुधार केन्द्र र परिवारको साथले गर्दा आफुले कुलत त्यागेर खेल क्षेत्रमा लागेको उनल ेबताए । उनले च्याम्पियनसिपको बारेमा आफूलाई केही थाहा नभए पनि प्रशिक्षक पूर्ण तामाङको साथ सहयोग र हौसलाले गर्दा विजेता हुन सफल भएको बताएका छन् । ४ महिनाको अभ्यासमा उनले राष्ट्रिय स्तरको च्याम्पियन हुन सफल भएका हुन । ५ महिना अघि मात्र उनी सुधार गृहबाट निस्किएका थिए ।
उक्त कार्यक्रममा सुनसरी बडीबिल्डिङ संघका उपाध्यक्ष कबिरभगत प्रधानाङ्गले बडिबिल्डिङ र क्लासिक बडिबिल्डिङको भिन्नताबारे जानकारी गराएका थिए । उनले बडिविल्डिङमा सातवटा पोज देखाइन र क्लासिक बडिबिल्डिङमा चारवटा मात्र पोज रहने जानकारी दिदै श्रेष्ठलाई बधाई दिएका थिए ।

पथरीशनिश्चरे फुटबल प ...

पथरी / मोरङको पथरीशनिश्चरेमा जारी दोश्रो पथरीशनिश्चरे ख ...

पानीपियामा दुर्घटना ...

इटहरी / इटहरी उपमहानगरपािलका –२ पानीपियामा द ...

सुनसरीलाई दुख दिने क ...

धरान / कोशी टप्पु वन्य जन्तु आरक्षको हात्तिसार उदय ...

स्थानीयले उठाए अस्पत ...

इनरुवा /  इनरुवा अस्पतालमा थुप्रिएको फोहोर स्थानीय ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved