थुनुवा भागेपछि प्रदेश र झापा प्रहरीले बनायो छानबिन समिति

alt
  • श्रावण २९, २०७६
  • ६२ पटक पढिएको
  • ब्लाष्ट खबर

भद्रपुर । इलाका प्रहरी कार्यालय धुलाबारी हिरासतबाट आरोपित थुनुवा भागेपछि प्रहरीले छानबिन गर्न छुट्टाछुट्टै समिति गठन गरेको छ ।

दुई दिनअघि हिरासतबाटै चोरी आरोपमा पक्राउ परेका पश्चिम बङ्गाल दार्जीलिङका २६ वर्षीय गणेश कामती र २९ वर्षीय कृष्ण मण्डल भागेका थिए । घटनापछि प्रदेश नम्बर १ प्रहरी कार्यालय विराटनगर र झापाले छुट्टा–छुट्टै छानबिन समिति गठन गरेको हो । प्रदेश प्रहरी कार्यालय विराटनगरका एसपी रमेश बस्नेतको नेतृत्वमा तीन सदस्य र झापाले डिएसपी तथा प्रवक्ता महेन्द्रकुमार श्रेष्ठको नेतृत्वमा तीन सदस्य छानबिन समिति गठन भएको छ छ ।

समितिले छानबिन शुरु गरिसकेको छ । समितिले इप्रका धुलाबारीका इन्स्पेक्टर टीकाबहादुर कार्कीसहित ८ जना प्रहरी कर्मचारीमाथि छानबिन शुरु गरेको छ । घटनामा दोषी भए विभागीय कारबाहीमा पर्नेछन् । केहीदिनअघि पनि लागूऔषधसहित पक्राउ परेका इलामका २४ वर्षीय शङ्कर गजमेर पनि फरार भएका थिए ।

उनी मेडिकल गर्ने क्रममा अस्पताल परिसरबाटै फरार भएका थिए । उनी इलाका प्रहरी कार्यालय अनारमनी बिर्तामोडको हिरासतमा थिए । २०७४ साउन २७ गते कर्तव्य ज्यान मुद्दामा जन्मकैदको सजाय पाएका गौरादह नगरपालिका–८ का २४ वर्षीय उमेश माझी पनि कारागारको पर्खाल नाघेर फरार भएका थिए ।

मोरङ धनपालथानमा आगला

धरान । मोरङ धनपालथान गाउँपालिका–४ का मोहम्मद समीर

पूर्वाञ्चल सिङ्गिङ स

धरान । पूर्वाञ्चल सिङ्गिङ स्टार सातौं संस्करणको सेमिफाइ

वीपी प्रतिष्ठानमा यस

धरान / दक्षिण एसिया कै नाम चलेको उत्कृष्ट अस्पताल भनेर

स्वागत झरना इलामको न

बिर्तामोड/ इलामका पर्यटकीय क्षेत्र भ्रमणका लागि धेरैजसो


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved