गोली र पेस्तोलसहित नेपाली नागरिक भारतमा पक्राउ

alt
  • श्रावण २७, २०७६
  • १८९ पटक पढिएको
  • ब्लाष्ट खबर

भद्रपुर/ भारतको पानीटयाङ्की नाकाबाट नेपालको काँकडभिट्टातर्फ आइरहेका एक नेपाली सात राउन्ड गोली र पेस्तोलसहित भारतीय प्रहरीको नियन्त्रणमा परेका छन् ।

झापा मेचीनगर नगरपालिका ११ स्थित गैरीगाँउका ३७ वर्षीय र्कितन वतर (चौधरी) लाई गोली र पेस्तोलसहित भारतीय एसएसबीले नियन्त्रणमा लिएको हो । वतरलाइ नेपाल–भारतको सीमावर्ती नाकामा भारतीय एसएसबी ४१ बटालियन रानीडाँगाका टोलीले पक्राउ गरेको जनाएको छ ।

विशेष सुराकीका आधारमा वतरलाई पानीटयाङ्कीमा निर्मित एसियन हाइवेको फ्लाई ओभरबाट पक्राउ गरेको जनाइएको छ । घटना विवरण अनुसार भारतका खोरीबासी बस्ने विजय राजवंशीले फोन गरेर वतरलाई भारतको पानीटयाङ्की बोलाएका थिए ।

सिटी सफारी चालक रहेका वतर आफ्नो मे १ ह ६९५० नम्बरको सफारी लिएर भारतीय नागरिक विजयलाई भेट्न बोलाएको स्थानमा पुगेका थिए । फ्लाई ओभरमा दुवै जना भेटघाट गरी सिटी सफारी फ्लाई ओभरमै राखेर उनीहरू कतै लागेका थिए ।

फर्किदा वतर एक्लै आए र आफ्नो सिटी सफारी लिएर काँकडभिट्टा फर्किने अवस्थामा एसएसबीका जवानले उनलाई नियन्त्रणमा लिएर सिटी सफारी चेकजाँच गरे । सफारी चेकजाँचमा ७.६५ एमएमको सात राउन्ड गोलीसहित मेड इन युएस लेखिएको पेस्तोल फेला पारेका थिए ।

एसएसबीका अनुसार वतरले भारतबाट पेस्तोल लिएर नेपालमा कसैलाई बेच्न लागेको आशङ्का गरेका छन् भने वतरले मलाई विजयले बोलाएर नियोजित रूपमा फसाएको प्रहरीलाइ बयान दिएका छन् ।

चलचित्र मिराज टेलर स

सुनसरी /  बालमनोविज्ञानमा आधारित नेपाली कथानक चलचि

उदयपुरमा श्रीमानको क

धरान / उदयपुरमा श्रीमानको कुटाईबाट श्रीमतीको मृत्य

प्रदेश नम्बर १ बाट प

हाम्रो सस्कृती हाम्रो संस्कार: प्रदेश नम्बर १ बाट प्रथम

योजना आयोगका कर्मचार

धरान  / राष्ट्रिय योजना आयोगको कार्यालयमा एक


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved