पाकिस्तानी सेनाको विमान दुर्घटना, १८ को ज्यान गयो

alt
  • श्रावण १४, २०७६
  • २०९ पटक पढिएको
  • ब्लाष्ट खबर

पाकिस्तानको  रावलपिंडीमा मंगलबार राति एक सैन्य विमान खस्दा झण्डै १८ जनाको मृत्यु भएको बताइएको  ।

बिबिसीका अनुसार यो दुर्घटनामा पाँच सैनिक र १३ सर्वसाधारण नागरिकको मृत्यु भएको छ । १२ जना घाइँते भएको बताइएको छ ।

पाकिस्तानी सेनाका जनसम्पर्क अधिकारीका अनुसा आर्मी एभियसनको एउटा सानो विमान दुर्घटनाग्रस्त भएको हो ।

किङ एयर ३५० विमान राति करिब २ बजे भवनमाथि आएर खसेको थियो ।

यो विमानमा पाइलट लेफ्टिनेन्ट कर्नल साकिब र लेफ्टिनेन्ट कर्नल वसीमसँगै नायब सुबेदार अफजल, हवल्दार इन्बे अमीन र हवल्दार रहमत अली सवार थिए ।

raulpindi2

विमान खस्दा कयौं भवनमा आगो लागेको छ । जिल्ला प्रशासनले पुष्टि गरेअनुसार उक्त क्षेत्रमा भएको दुर्घटनामा सात महिला र एक बच्चासमेत १३ जनाको मृत्यु भएको छ ।

दुर्घटनापछि पाकिस्तानी सेना र बचाउ दलको समूहले दुर्घटनास्थलमा उद्धार अभियान शुरु गरेको छ । आगलागी नियन्त्रणमा लिइसकेको छ । दुर्घटनामा घाइते भएकालाई कम्बाइन्ड मिलिट्री अस्पतालमा भर्ना गरिएको छ ।

रावलपिंडीका उप–आयुक्तले मंगलबार बिहान अस्पताल भ्रमण गरेका छन् र अस्पतालमा आपत्कालीन अवस्था घोषणा गरिएको मिडियालाई बताएका छन् । यस अघि बचाउ दलका एक सदस्यले बिबिसीसँग कुराकानी गर्दै रावलपिंडी आवासीय कोलोनी बहरिया टाउन फेज ७ को सीमाबाहिर एउटा गाउँमा विमान दुर्घटना भएको जसमा पाँच–छ घर क्षतिग्रस्त भएको बताएका थिए ।

raulpindi3

यो दुर्घटना अघि २० अप्रिल सन् २०१२ मा करातीदेखि इस्लामाबाद गइरुहेको एउटा निजी एयरवलाइनको विमान रावलपिंडीस्थित हुसैनाबाद गाउँनजिक दुर्घटना भएको थियो । यो दुर्घटनामा १२७ जनाको ज्यान गएको थियो ।

सन् २०१० मा एर्को एउटा निजी एयरलाइन एयरब्लू पनि इस्लामाबाद नजिक दुर्घटनाग्रस्त भएको थियो जसमा १५२ जनाको मृत्यु भएको थियो ।

– बीबीसी

 

तेश्रो मेयर कप फुटबल ...

भोजपुर / जिल्ला सदरमुकाममा तेस्रो भोजपुर मेयर कप पुरुष ...

सिरियाली सङ्कटमा साम ...

ऐतिहासिक पृष्ठभूमि सन् १९१८ तिर अटोमन साम्राज्यको पतन भ ...

को को हुनुहुन्छ सावि ...

आफ्ना साथीसङ्गीसँग हातमा स्मार्टफोन बोकेर सेल्फी खिच्ने ...

राष्ट्रिय दलित पत्रक ...

धरान/ राष्ट्रिय दलित पत्रकार संघ, नेपालको सुनसरी जिल्ला ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved