५८ प्रतिशत मात्र विकास बजेट खर्च गरेर धरान देशकै उत्कृष्ट उपमहानगरपालिका

alt
  • जेठ २२, २०७६
  • ८०४ पटक पढिएको
  • ब्लाष्ट खबर

धरान / धरान उपमहानगरपालिकाले आर्थिक बर्ष सकिन दुई महिना बाँकी रहदा ५८ प्रतिशत मात्र विकास बजेट खर्च गर्न सफल भएको छ ।
विशेष गरि उपमहानगरले घोषणा गरेको गौरवको आयोजना र खानेपानी परियोजनामा छ्ट्याएको बजेटमा खर्च गर्न नसकेको पाइएको छ ।
उपमहानगरका बरिष्ठ लेखा अधिकृत भेषराज अधिकारीका अनुसार चालु बजेट ८३ करोड ९५ लाख, ५६ हजार ८ सय ४८ रुपैयाँमा बैशाखसम्ममा ४८ करोड ७१ लाख ८८ हजार ६ सय ४१ रुपैया मात्र खर्च भएको छ । यो ५८.०९ प्रतिशत हो । यता पूजीगत खर्चमा ९५ करोड ४ लाख ४३ हजार एक सय ५१ बजेटमा ५५ करोड ३३ लाख ४९ हजार ३ सय ६२ रुपैया मात्र खर्च भएको छ ।
धरान उपमहानगरले गौरवका आयोजना भनेर ७ वटा आयोजनाका लागि ७ करोड बजेट छुटएको थियो । जनपथ सडक, विजयपुर सडक, माछा भौडी पार्क निर्माण, देशी लाईन सडक व्यवस्थापन, नमुनाबस्ती निर्माण, हङकङ रोड विस्तारलगायतका योजनालाई गौरवको योजना भनेर उपमहानगरले बजेट विनियोजन गरेको थियो । यी सबै योजनाहरुको काम थाले पनि प्राय सबै योजनाहरु अलपत्र छन् । उपमहानगरपालिकाले खानेपानीका लागि ४१ करोड बजेट छुट्याएको थियो । धरान–१४ स्थित विजयपुरमा ट्याङ्की निर्माणमा अवरोध भए पछि बजेट खर्च हुन नसक्दा बजेट खर्चको नतिजा न्युन देखिएको लेखा अधिकृत भेषराज अधिकारी बताउछन् । अन्य योजनाहरुमा बजेट योजना अनुसार खर्च भए पनि खानेपानी र गौरवको आयोजनाहरुमा बजेट खर्च नहुदा प्रगती न्यून देखिएको छ ।

११ उपमहानगर मध्य धरान उत्कृष्ट
तर समग्र सातै प्रदेशका उपमहानगरको विकास बजेट खर्चको तथ्याङ्क हेर्दा भने धरान उपमहानगर पहिलो भएको छ । विकास बजेट खर्च ५० प्रतिशत कटाउने धरान उपमहानगर पहिलो भएको छ । छिमेकी उपमहानगर इटहरीले ३१ प्रतिशत खर्च गरेको छ । जनकपुरले १३ प्रतिशत, जितपुरसिमराले ३८, कलैयाले २३ प्रतिशत, हेटौडाले ३५ प्रतिशत, बुटवलले ३६ प्रतिशत, घोराईले ३२ प्रतशत, तुलसीपुरले ४५ प्रतिशत, नेपालगञ्जले ४२ प्रतिशत र धनगडीले २२ प्रतिशत मात्र विकास बजेट खर्च गर्न सफल भएका छन् । (ग्राफिक चार्ट नयाँ पत्रिकाबाट)

पथरीशनिश्चरे फुटबल प ...

पथरी / मोरङको पथरीशनिश्चरेमा जारी दोश्रो पथरीशनिश्चरे ख ...

पानीपियामा दुर्घटना ...

इटहरी / इटहरी उपमहानगरपािलका –२ पानीपियामा द ...

सुनसरीलाई दुख दिने क ...

धरान / कोशी टप्पु वन्य जन्तु आरक्षको हात्तिसार उदय ...

स्थानीयले उठाए अस्पत ...

इनरुवा /  इनरुवा अस्पतालमा थुप्रिएको फोहोर स्थानीय ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved