दमककाे खानेपानीमा 'लेदो'

alt
  • आश्विन १०, २०७५
  • १९ पटक पढिएको
  • ब्लाष्ट खबर

पथरीशनिश्चरे/झापाको दमक नगरपालिकाका दुईवटा वडामा वितरित खानेपानीमा तीन दिन देखि आइरनयुक्त लेदो पानी वितरण हुँदैआएको छ ।

दमक ८ र ९ का उपभोक्ताहरुको धारामा लेदो पानी वितरण भइरहेको दमक–९ का उपभोक्ता टंक ढकालले जनाए । उनले स्वच्छ पानी वितरणमा लापरवाही भएको भन्दै उपभोक्ताहरुले आक्रोस पोखेको सुनाए ।

खानेपानी उपभोक्ता समितिका कार्यालय प्रमुख कृष्ण थापाले खानेपानीको ट्यांकीमा जडित भल्वको मेकानिकल समस्याका कारण स्वच्छ पानी वितरण गर्न कठिनाई भएको उल्लेख गरेका छन् । फिल्टर हुदै ट्यांकीमा जाने पानीमा भल्वका समस्याका कारण लेदो देखिएको उनले बताए ।

थापाले दुई दिनदेखि बिग्रीएको संरचना मर्मतको काम भइरहेकाले तत्काल खानेपानीमा सुधार आउने बताए । उनले सोमबार साँझदेखि आएको यस्तो समस्या बिस्तारै हट्ने जनाए । ट्यांकीमा जम्मा भएको पानी धारा मार्फत जाने हुदाँ अझैं दुई, तीन दिनसम्ममा पानीमा सामान्य त्यस्तो समस्या फेरि पनि देखिन सक्ने इन्जिनियर समेत रहेका उनले प्रष्ट्याए ।

उनले पानी केही समस्या भएपनि पिउनै नहुनेखालको समस्या नभएका दावी गरे ।

दमक खानेपानी तथा सरसफाई उपभोक्ता समितिले दोश्रो साना सहरी खानेपानी आयोजनाबाट निर्मित पानीटंयाकीमा ‘मेकानिकल’ समस्या आएपछि स्वच्छ पानी वितरण प्रभावित भएको हो ।

८ र ९ का उपभोक्ताहरुको अधिकांश धारामा स्वच्छ पानी वितरण हुन सकेको छैंन् । ती वडामा दमक–९ स्थित शान्तिमार्गको ट्यांकीबाट पानी वितरण हुदैआएको छ ।

२०७२ सालदेखि सञ्चालनमा आएको सो आयोजनाले त्यस ट्यांकीमार्फत पूर्वपश्चिम मुख्य सडक दक्षिणका ८ र ९ नम्बर वडाका २ हजार २ सय उपभोक्तालाई खानेपानी उपलब्ध गराउदैआएको छ ।

निशुल्क स्वास्थ्य शि ...

मधुमल्ला । मोरङको मिक्लाजुङ गाउँपालिका –९ मधुमल्ल ...

मोरङमा पनि स्वास्थ्य ...

मधुमल्ला । गुणस्तरीय स्वास्थ्य सेवामा सबै नागरिकको समान ...

तरकारी खेति बाट मनग् ...

मधुमल्ला । मोरङको मिक्लाजुङ –८ तोरीबारीका लालबहाद ...

प्रदेश सरकारको रातो ...

मधुमल्ला । मोरङको क्षेत्र नं. १ मा पर्ने मिक्लुक खोलामा ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved