राजमार्गसँग जोड्ने सडकको निर्माणकार्य धमाधम

alt
  • भदौ २८, २०७५
  • ९ पटक पढिएको
  • ब्लाष्ट खबर

विराटनगर । मोरङको दक्षिणी ग्रामिण वस्तीका वासिन्दालाई मुख्य राजमार्गको पहुँचमा जोड्ने दक्षिण नाका सडक निर्माणको कार्य तव्रि रुपमा भइरहेको छ ।

दक्षिण सिमानाका हुँदै पूर्व–पश्चिम राजमार्ग सँगै जोडने बहुवर्षिय योजना अन्तर्गतको सडक निर्माणको कार्यहरु तिव्र गतिमा भइरहेको हो ।

तीन वर्षसम्ममा सम्पन्न गर्ने गरि निर्माण गर्न जिम्मा पाएको रमण भूमि जेबी कन्र्टक्सनले सडकको काम धमाधम गर्दै आएको छ । निमार्ण गरिएको यस सडकले जिल्लाको दक्षिण भेगका वासिन्दालाई मुख्य राजमार्गसँगको पहुँचमा ल्याउने उद्देश्यले योजना बनाइएको छ ।

सडक डिभिजन कार्यालय विराटनगरका इन्जिनियर दिपक कुमार झाका अनुसार मोरङमा दक्षिण सिमा नाका चुनीबारी बरडंगा–आमबारीदेखि उत्तरको उर्लावारी जोड्ने साढे १२ किलोमिटर दुरीको सडक, नोचादेखि भारतको बोर्डरसम्म जोडने ७ किलोमिटर, जहदा गाउँपालिकाको रामचौक–सिनवनी जहदा हुँदै बोर्डर जोडने ९ किलोमिटर सडक र कटहरीको बजारहुँदै मझारे ५ किलोमिटर सडक निर्माण तथा विस्तारको काम धमाधम भइरहेको छ । यस मध्धे सबैभन्दा बढी सिमा नाका चुनीबारी बरडंगा– आमबारीको सडकको निमार्ण कार्य अगाडी रहेको भूमि इन्फा इस्टेक्चरका शुभम् बोहराले जानकारी दिए । उनका अनुसार ७० प्रतिशत निमार्ण कार्य आमबारीदेखि दक्षिण सिमा जोडने सडकको पुरा भएको बताए । अहिले बेस बसाउने कामहरु धमाधम भइरहेकोले दशदिन पछि कालोपत्रेको काम सुरु गर्ने तयारी रहेको उनले बताए । आउँदो कार्तिक १५ गतेसम्ममा यस सडकको निमार्ण कार्य पुरा हुने बोहराको भनाई छ । ‘निमार्ण पुरा गर्ने मिति ०७७ साल भदौ ८ गते हो,’ ठेक्दार प्रतिनिधि बोहराले भने, ‘सम्झौता अघि नै काम सक्ने हाम्रो लक्ष्या हो । त्यो पुरा हुनेछ ।’ अन्य सडकको काम समेत धमाधम भइरहेको उनले बताए । यी सबै सडकले भारतको सीमासम्मका नेपाली वस्तीलाई मुख्यराजमार्गसँग जोड्नेछ । रमण भूमि जेवी कन्र्टक्सनले निमार्ण गर्ने ठेक्का पाएको यी सडकको निमार्ण कार्य चालु आर्थिक वर्षमा सक्ने कम्पनीले दाबी गरेको छ ।

कम्पनीले निमार्ण गरेको सडकको दुवै क्षेत्रमा ढुंगाको पर्खाल उठाएर माटो भर्ने र पानीको निकासको काम गर्नुपर्ने ठेक्का सम्झौतामा उल्लेख भए अनुसारको काम गर्दै आएको छ ।

सिमा नाका चुनीबारी बरडंगा–आमबारीदेखि उत्तरको उर्लावारी जोड्ने सडक २६ करोड ९४ लाख २१ हजार ६ सय ४० रुपैयाँ लागतमा निमार्ण हुनेछ । त्यस्तै रामचौक पोखरीया हुँदै बोर्डर जोडने सडक १३ करोड ८७ लाख, कटहरीचौकदेखि मझारे सडकको ६ करोड ६५ लाख लातमा निमार्ण हुदैछ ।

जिल्लाको उत्तरी क्षेत्रमा रहेको मुख्य राजमार्गसँग भारतको सिमानासम्म रहेको दक्षिणी वस्तीलाई जोड्ने सडक निर्माण भएसँगै भारतसँगको व्यापारसँगै छोटी भन्सारका नाका समेत सञ्चालनमा आउन सक्ने कटहरी गाउँपालिकाका अध्यक्ष रामकुमार कामत बताए ।

अध्यक्ष कामतले कटहरी गाउँपालिकाले समेत दक्षिण वस्ती र भित्री ग्रामिण वस्तीलाई गाउँपालिकासँग जोड्ने, छिमेकी गाउँपालिका तथा नगरपालिकासँग जोड्ने ६ सडक निर्माणको काम भएको बताए ।

कार्यवहाक मेयर भण्डा ...

धरान / जनसहभागितामा धरान–१५ स्थित बाँझगरा मा ...

‘नेपाल आइडल’को फाइन ...

धरान  / सिङगिङ रियालिटी शो ‘नेपाल आइडल& ...

धरानमा मोटरसाईकल दुर ...

धरान / धरान–१२ स्थित नेपाल टेलिकम कार्यालय अगाडी ...

निःशुल्क सीप परीक्षण ...

धरान /  सरकारले विदेशमा विभिन्न सीप सिकेर फर्केक ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved