क्याम्ब्रिजको शैक्षिक मेला आज

alt
  • भदौ १, २०७५
  • २२ पटक पढिएको
  • ब्लाष्ट खबर

बिर्तामोड । क्याम्ब्रिज इन्स्टिच्युट अफ टेक्नोलोजी बिर्तामोडले प्रदेशस्तरीय शैक्षिक मेला आज हुने भएको छ । विद्यार्थीको चाहना अनुसारको विषय रोजाई र अस्ट्रेलिया अध्ययनका लागि आवश्यक जानकारी प्रदान गर्ने उद्देश्यले ‘क्याम्ब्रिज अस्ट्रेलियन एजुकेशन फेयर २०१८’ गरिरहेको हो । टेक्नोलोजीले भदौ २ गते दमक र ३ गते इटहरीमा शैक्षिक मेला आयोजना गरेको बुधबार बिर्तामोडमा पत्रकार सम्मेलनको आयोजना गरी जानकारी दिएको हो । कक्षा–१२ पछिको शिक्षाले विद्यार्थीको भविष्य निर्धारण गर्ने भएकाले सहजीकरण गरी उचित परामर्श दिन आवश्यक रहेको टेक्नोलोजीका संस्थापक शिशिर सिम्खडाले जानकारी दिए । अहिले विश्वको शिक्षा कुन दिशातिर जाँदैछ र भोलिको भविष्य आजको कुन विषयसँग जोडिएको छ भन्नेबारमामेला केन्द्रित रहने संस्थापक सिम्खडाले बताए । ‘शैक्षिक मेलामा अस्ट्रेलियाका १५ भन्दा बढी प्रतिष्ठित विश्वविद्यालयका आधिकारिक शिक्षाविद्हरूको उपस्थिति रहनेछ’ संस्थापक सिम्खडाले भने ‘यति धेरै विश्वविद्यालयको उपस्थिति गराउनुको मूल उद्देश्य अस्ट्रेलियाबारे जानकारी अभिभावक र विद्यार्थी समक्ष पुर्याउनु हो ।’ मेलामा शैक्षिक केन्द्र बनिरहेको अस्ट्रेलियामा अध्ययनका लागि किन जाने ? त्यहाँ के–कस्ता अवसर र चुनौती छन्, जानुभन्दा पहिले विद्यार्थीले थाहा पाउनु पर्ने कुरा, त्यहाँको वातावरण, जीवनशैलीलगायतका विषयमा जानकारी गराइने जनाइएको छ । टेक्नोलोजीले स्थापना कालदेखि नै ‘प्राविधिक शिक्षा आजको आवश्यकता’ भन्ने कुरालाई जोड दिँदै आएको संस्थापक सिम्खडाले जानकारी दिए । विगतमा भारतको बैङ्लोर, सिमलालगायतका विभिन्न कलेजसँग प्राविधिक विषयमा परामर्श दिँदै आएको टेक्नोलोजीले २ वर्ष अघिदेखि अस्ट्रेलिया, न्युजिल्याण्ड, युएसएजस्ता देशका शैक्षिक संस्थाका बारेमा परामर्श दिँदै आएको सिम्खडाले बताए ।

अभिनेता बिपिन कार्की

धरान /गोपी फिल्मको प्रचारका क्रममा अभिनेता बिपिन क

फापर हेर्ने हेलीकप्ट

मधुमल्ला/नेपाली काङ्गेसका केन्द्रीय नेता तथा पूर्व सूचन

भीमफेदी गाइजको तामाङ

धरान/ भीमफेदी गाइजको नयाँ म्युजिक भिडियो सार्वजनिक भएको


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved