‘स्मार्ट सिटी’ बनाउन अभिमुखीकरण

alt
  • श्रावण २४, २०७५
  • ६० पटक पढिएको
  • ब्लाष्ट खबर

धनकुटा । धनकुटा बजारलाई ‘स्मार्ट सिटी’ बनाउन मङ्गलबार सरोकारवालाहरूबीच कार्यशाला गरिएको छ । स्मार्ट सिटी बनाउन थालिएको अध्ययनबारे सर्वपक्षीय अभिमुखीकरण कार्यक्रम गरिएको हो । सहरी विकासको दीगोपन, मापन योग्य, पहुँच, अनुशरण योग्य तथा प्रविधिमैत्री लगायतका सूचकका आधारमा स्मार्ट सिटी निर्माण गरिने शहरी योजनाविद् इञ्जिनियर रविन्द्र दवाडीले बताए । तीन चरणको गुरु योजना तयार पार्न तयारी गरिएको स्मार्ट सिटी धनकुटा अध्ययन प्रतिवेदन समूहका दवाडीले बताए । उनका अनुसार ५ वर्षे अल्पकालीन, १० वर्षे मध्यकालीन र १५ वर्षे दीर्घकालीन गुरु योजना बनाइने छ । स्मार्ट सिटीको सबल, दुर्बल पक्ष, अवसरहरू र चुनौतीबारे जानकारी गराइयो । स्मार्ट शहरका आधारभूत विश्लेषण गर्ने क्रममा स्मार्ट जनता, स्मार्ट शासन, स्मार्ट पूर्वाधार र स्मार्ट अर्थ व्यवस्था हुनु पर्नेमा सहजीकरणमा जोड दिइएको थियो । साथै, स्मार्ट सिटी भित्रका ५ पिल्लरबारे पनि जानकारी गराइयो । स्मार्ट सिटीमा मुख्य पूर्वाधारहरूको माध्यमबाट धनकुटा नगरवासीहरूको जीवनस्तर कसरी उकास्न सकिन्छ भन्नेबारे पनि छलफल गरिएको थियो । एकीकृत भवन निर्माण मापदण्ड, भूउपयोग नीति, आवास कृषि व्यवसायिक तथा सडक सञ्जालको नीतिलगायतका विषयवस्तुलाई प्रतिवेदनको आधार मानिने अध्ययन टोलीका सदस्य तथा नयाँ शहरी आयोजनाका इञ्जिनियर रमिता टचामोले बताइन् । स्मार्ट सिटी बनाउन उत्साहित भएको धनकुटा नगरपालिकाकी कार्यवाहक प्रमुख शकुन्तला बस्नेतले बताइन् । कार्यवाहक नगर प्रमुख बस्नेतको अध्यक्षतामा सम्पन्न अभिमुखीकरण गोष्ठीमा १ देखी १० नम्बर वडासम्मका जनप्रतिनिधि, नगरवासीहरू, सरोकारवाला निकायका प्रमुख एवम् प्रतिनिधि र स्थानीय सञ्चारकर्मीलगायत सहभागी थिए ।

७० वर्ष पुरानो पुस्त

भद्रपुर/ झापाको सदरमुकाम भद्रपुर नगरको सामाजिक, बौद्धिक

दयाहाङ र लक्ष्मीकाे

गीतकार प्रलाद शाहको शब्दमा रहेको गीत ' परानै दिन्छु ' द

दुई परिवारका ९ जनाको

फिदिम/ पाँचथरको मिक्लाजुङ गाँउपालिका–३ आरुबोटेमा

प्रजातन्त्र र प्रेस

नेपालका पूर्व प्रधानमन्त्री कृष्णप्रसाद भट्टराईले आफ्नो


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved