मापदण्ड विपरित सडक ग्राभेल

alt
  • असार ६, २०७५
  • २३ पटक पढिएको
  • ब्लाष्ट खबर

मधुमल्ला (ब्लाष्ट) उर्लाबारी–७ को चन्द्रमा चौक–डिपु मार्ग र विष्णुप्रसाद आचार्य मार्ग सडक ग्राभेल मापदण्ड विपरित भएको भन्दै स्थानीयबासीले आक्रोश पोखेका छन् । उर्लाबारी नगरपालिकाको सहयोग र उपभोक्ताहरुबाट प्रतिफिट ३० रुपैयाँको दरले रकम उठाएर स्पेशल ग्राभेल गरिएको थियो । तर, स्थानीयले मापदण्ड विपरित काम भएको भन्दै आपत्ति जनाएका हुन् । उर्लाबारी नगरपालिकाबाट उक्त सडक ग्राभेलका लागि ३ लाख रुपैयाँ रकम विनियोजन भएको थियो । ४ सय १७ मिटर लम्बाईको सडक ग्राभेलका लागि उर्लाबारी–४ आइतबारेका प्रेम याख्याले ठेक्का पाएका थिए । मापदण्ड विपरितको सडक ग्राभेल गरेर ठेकेदारले नगरपालिकाबाट भुक्तानी लिइसकेको स्थानीय गणेश दाहालले जानकारी दिए । दाहालले भने–‘६ इन्च मोटाईको ग्राभेल भनेर कतै २ इन्च त कतै ३ इन्छ मोटाईमा ग्राभेल गरिएको छ, यो सडक कसरी मापदण्डअनुसार भयो ?’ ठेकेदार मनोमानीविरुद्ध अवगत गर्दासमेत नगरपालिकाबाट सुनुवाई नभएको दाहालको भनाई छ ।

सामान्य मापदण्डसमेत पूरा नगरी ग्राभेल गरिएको उर्लाबारी–६ का अमृत तामाङको गुनासो छ । ‘सडक ग्राभेल गरेको स्थानमा कतै झार उम्रेको छ’ उनले भने–‘ नियमक निकाय किन आँखा चिम्लेर बसेको छ ।’ मापदण्ड अनुसार सडक ग्राभेल भए वा नभएको बिषयमा इन्जिनियरहरुले अनुगमन नै नगरी हचुवाको भरमा काम गरेको सडक उपभोक्ता रामबहादुर तामाङले बताए । स्थानीयबासीले ठेकेदार पक्षले मनोमानी गरेको भन्दै तत्काल सच्याएर मापदण्डअनुसार काम गर्न माग गरेका छन् । यता, सडक अनुगमन समितिका संयोजक एबं उर्लाबारी वडा नं. ६ का सदस्य अम्बिका तामाङले मापदण्डअनुसार सडक ग्राभेल गरिएको दाबी गरेका छन् ।

कार्यवहाक मेयर भण्डा ...

धरान / जनसहभागितामा धरान–१५ स्थित बाँझगरा मा ...

‘नेपाल आइडल’को फाइन ...

धरान  / सिङगिङ रियालिटी शो ‘नेपाल आइडल& ...

धरानमा मोटरसाईकल दुर ...

धरान / धरान–१२ स्थित नेपाल टेलिकम कार्यालय अगाडी ...

निःशुल्क सीप परीक्षण ...

धरान /  सरकारले विदेशमा विभिन्न सीप सिकेर फर्केक ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved