याेजना विहिन लगानीले १९ लाख झ्वाम

alt
  • जेठ ३०, २०७५
  • २० पटक पढिएको
  • ब्लाष्ट खबर

भद्रपुर । पर्यटक भित्र्याउने उद्देस्यले तीन विगहा क्षेत्रफलमा डुङ्गा सञ्चालनको लागि लाखौं रकम खर्च गरेर निर्माण गरिएको पोखरीलाई नगरपालिकाले वास्ता नगरेको पाइएको छ । नगरपालिकाले चासो नदिएकोले विगत पाँचवर्ष यता सञ्चालनमा आउन नसकेका कारण बन्द भएको छ ।

झापाको दक्षिणी क्षेत्रमा रहेको साविक पृथ्वीनगर गाविस ५ हाल भद्रपुर नगरपालिका २ मा रहेको पूर्वको धार्मिक,ऐतिहासिक तथा पर्यटकीय स्थल किचकवध परिसरमा सञ्चालनमा रहेको चारवटा डुङ्गा बन्द भएका हुन् । पर्यटकको आवश्यक्तालाइ मध्यनजर गरि देउसी खेलेर किनेका डुङ्गा नगरपालिकाको बेवास्तका कारण प्रोगबिहीन भएको स्थानीयको आरोप छ । तत्कालिन जिल्ला विकास समिति झापाले ५ लाख र पर्यटनबाट ६ लाख प्राप्त रकमले डुङ्गा सञ्चालनमा ल्याएको संरक्षण समितिका अध्यक्ष दिल बहादुर थेबेले बताए ।

रकम निकासा आएपछि निर्माण सम्पन्न भएर गत ०६९ सालमा एक वर्ष सञ्चालनमा आएको डुङ्गा पोखरीको पानी निकासको बाटो नभएकोले बन्द हुन पुगेको उनले गुनासो गरे । स्थानीयले देउसी खेलेर भेला पारेको रकमबाट तीन र उद्योगी पर्शुराम अग्रवालले एकवटा निःशुल्क प्रदान गरेको उनले जनाए । प्रति डुङ्गा २ लाखमा ल्याइएको उनले जनाए । पोखरी भन्दा माथि नीजि जग्गा भएको र पानी जाने ठाउँ नभएपछि बन्द गर्नु परेको थेबेको भनाइ छ । एकवर्ष सञ्चालन हुदामात्र ३० हजार आम्दानी भएको उनको भनाइ छ । पोखरी निर्माण भएपनि देउनिया खोलाले लिने पाँचसय मीटर तटबन्धन आवश्यक रहेको उनले जनाए । तटबन्धन समस्याको लागि छलफल गरेर वडाअध्यक्ष मार्फत योजना पेश गर्ने तयारी भइरहेको उनको भनाइ छ ।

तर नगरपालिकाले हालसम्म कुनै सहयोग नगरेको उनले जनाए । डुङ्गा पोखरी, चिल्ड्रेन पार्कको लागि १५ लाख रकम माग गरेपनि नपरेको उनले बताए । बन्द भएको पोखरी र चिल्ड्रेन पार्कको लागि सञ्चालनमा ल्याएर यो क्षेत्रको विकासमा ध्यान लगाउनु पर्ने उनको भनाइ छ । डुङ्गा सञ्चालनको लागि नगरपालिकासँग समन्वय गरेर मात्र सम्भव हुने २ नम्बर वडाअध्यक्ष भीम सुब्वाले बताए । देउनिया खोलाको तटबन्धन गरेर निकास नदिएमा पोखरी सफल नहुने सुब्वाको भनाइ छ । पुनः सञ्चालनको लागि मर्मत गर्न लगेको सम्म बुझ्न आएको उनले जनाए ।

हात्तीसार क्याम्पसका

धरान / विएसस्सी फिजिक विषयको प्रयोगात्मक परीक्षमा

आधुनिक प्रेम र रोमान

जिरोपोइन्ट /  युवा पुस्ताले अत्यधिक रुचाएको नेपाली

अभिनेता बिपिन कार्की

धरान /गोपी फिल्मको प्रचारका क्रममा अभिनेता बिपिन क


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved