बिहेकै दिन बलिउड अभिनेत्री सोनम कपुरले आफ्नो थर परिवर्तन गरिन् । 
उनले इस्टाग्राममा आफूलाई सोनम कपुर आहुजा बनाइन् । यसमा धेरैे महिलावादीहरुले कडा प्रतिक्रिया जनाए । हालै एक अन्तरर्वातामा सोनमले यो विषयमा मुख खोलेकी छिन् । उनले नाम वा थर फेर्नु आफ्नो मर्जिको कुरा भएको बताइन् ।
‘मेरो नाम हो, मेरो थर हो, म जे पनि गर्न सक्छु, यसमा अरुले किन टाउको दुखाउने ?’ उनले भनिन् । उनले नारीवादीहरुमाथि पनि कडा प्रहार गरिन् । ‘आफूलाई नारीवादी भन्नेहरुलाई नै थाहा छैन कि नारीवाद के हो, उनीहरुले पहिले नारीवादको अध्ययन गरुन् र मेरो नाम–थरमाथि टिप्पणी गरुन् ।’ उनले भनिन् ।
