भारतीय राष्ट्रिययता सिकाउने दमकको विद्यालयमा ताला

alt
  • जेठ २, २०७५
  • ११ पटक पढिएको
  • ब्लाष्ट खबर

 मोरङ/झापाको दमकस्थित सूर्योदय पाठशालाले भारतीय पाठ्यपुस्तक पढाएर राष्ट्रिय स्वभिमानमा आँच पुर्याउने काम गरेपछि युवा संघ झापाले बुधबार विद्यालयमा तालावन्दी गरेको छ ।

युवा संघ झापाका अध्यक्ष शम्भु भण्डारीको नेतृत्वमा गएको टोलीले प्रीन्सिपल सिस्टर म्यागडिलिङ सिंहको कक्ष र प्रशासन कक्षमा ताला लगाउनुका साथै प्रिन्सिपल सिंहलाई राष्ट्रिय झण्डा दिंदै नेपालको स्वभिमानमा आक्रमण नगर्न चेतावनी दिएको छ । भण्डारीले ‘यी यो हो हाम्रो झण्डा’ भनेर प्रिन्सिपललाई बुझाएका थिए । विदेशी शिक्षकहरु निकाल्नु पर्ने र राष्ट्रिय स्वभिमानप्रति पुर्याएको आघात प्रति नेपाली जनतासँग माफी माग्नु पर्ने माग सारेको छ ।

नेपालमा रहेको विद्यालयले भारतीय प्रकाशनका पाठयपुस्तक पढाएर राष्ट्पति, प्रधानमन्त्री लगायतका समग्र विषय र प्रसंगहरु उतैको सिकाइदा नेपाली राष्ट्रिय स्वभिमानमा आँच आएको भण्डारीले बताए । त्यसको प्रतिक्रिया दिँदै प्रिन्सिपल सिंहले त्यसमा आफुहरुले त्यो कुरा सच्याउने जवाफ दिएकी छन् ।

त्यहाँ पढाइएको आधारभूत तहको पुस्तकमा जन्मभूमि भारत, हाम्रो राष्ट्रिय झण्डा भन्दै भारतको उल्लेख भएको र भारतमा पढाइ भए जसरी नै यहाँ पुस्तक पढाईएको पाइएपछि दमक नगरपालिकाले पनि स्पष्टिकरण लिएको थियो । कक्षा १ को कन्भर सेसन र ३ को मेन्टल म्याथ पुस्तकमा त्यस्तो कुरा उल्लेख भएको देखिन्छ । तिमी कुन देशमा बस्छौ भन्ने प्रश्नको संवादमा म भारतमा बस्छु भन्ने छ । अनि हाम्रो राष्ट्रिय झण्डा कुन हो भन्ने संवादमा यो हाम्रो झण्डा हो भनेर भारतको झण्डाको फोटो देखाइएको छ । प्रधामन्त्रीको ठाउँमा नरेन्द्र मोदीको फोटो सामेल छ ।

आक्रोशित रहेका युवा संघका कार्यकर्ताहरुले समस्याको निकास ननिस्किउन्जेल तथा आफूहरुको सहमतिविना ताला नखोल्न पनि विद्यालय प्रशासनलाइ ध्यानकर्षण गराएको थियो ।

कार्यवहाक मेयर भण्डा ...

धरान / जनसहभागितामा धरान–१५ स्थित बाँझगरा मा ...

‘नेपाल आइडल’को फाइन ...

धरान  / सिङगिङ रियालिटी शो ‘नेपाल आइडल& ...

धरानमा मोटरसाईकल दुर ...

धरान / धरान–१२ स्थित नेपाल टेलिकम कार्यालय अगाडी ...

निःशुल्क सीप परीक्षण ...

धरान /  सरकारले विदेशमा विभिन्न सीप सिकेर फर्केक ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved