नयाँ दिल्ली/ भारतीय प्रधानमन्त्री नरेन्द्र मोदीकाे पत्नी जसोदाबेन एक दुर्घटनामा घाइते भएकी छन् ।
दुर्घटनामा एकजनाको मृत्यु भएको बताइएको छ । तर भारतीय प्रधानमन्त्री मोदीकी पत्नी जसोदाबेद भने सामान्य घाइते भएकी छन् ।
उनलाई उपचारका लागि अस्पताल भर्ना गरिएको छ ।राजस्थानको चित्तौडगढमा एक कार्यक्रममा सहभागी हुन जाने क्रममा उनी सवार मोटर दुर्घटना भएको बताइएको छ ।
जसोदाबेन छुट्टै बस्दै आएकी थिइन् । उनी माइतीको संरक्षणमा बस्दै आएकी हुन् । विवाहलगत्तै मोदी घरबार त्यागेर हिँडेपछि जसोदाबेन एकल महिलाका रुपमा बस्दै आएकी छन् ।
मोदी राजनीतिक जीवनमा प्रवेश गरेपछि पारिवारिक जीवनबाट टाढा रहँदै आएका छन् । (एजेन्सी)
