फेसन डिजाइनर तथा मोडल नम्रता योगी अब नायिकाका रुपमा पनि देखिँदैछिन् । विभिन्न बिज्ञापन तथा म्युजिक भिडियोमा अभिनय गर्दैै आएकी नम्रता चलचित्र क्षेत्रमा प्रवेश भएकी छन् । उनले तीनवटा चलचित्रमा अभिनय गरेकी छन् । जुन अब रिलिजको तयारीमा छन् । नवनायिका नम्रतासँग दैनिक नेपालको अन्तरंग कुराकानी :
के मा ब्यस्त हुनुहुन्छ ?
हिजो–आज विज्ञापनको अभिनयमा व्यस्त छु ।
तपाईं त फेसन डिजाइनर कसरी अभिनय र चलचित्र क्षेत्रमा आउनुभयो ?
काम गर्दै जाँदा अभिनय र फेसन डिजाइनको क्षेत्र एक अर्कासंग सम्बन्धित भएर होला ।
अहिलेसम्म कतिवटा चलचित्रमा अभिनय गर्नुभएको छ ?
तीनवटा चलचित्रमा अभिनय गरेकी छु । तीनवटै चलचित्र रिलिज भइसकेको अवस्था छैन, तयारीमा छन् ।
कुन–कुन चलचित्र हुन् ?
नशा, प्रेम दिवस र निरसी ।
तीनमध्ये कुन चलचित्र हिट होला जस्तौ लाग्छ तपाईंलाई ?
त्यो मैले भनेर हुँदैन । दर्शकले पछि आफै भन्ने कुरा हो ।
बिहे गर्ने उमेर पनि भइसक्यो, घरबाट बिहे गर्ने दबाव आउँदैन ?
आउँछ, तर अहिले नै विहे गर्ने मुडमा छैन ।
ब्वाइफ्रेण्ड त होलान नि ?
हे, हे, नढाँटी भन्नुपर्दा डेढ बर्ष अघिसम्म म प्रेममा थिएँ । अहिले भने छैन । ‘ब्रेकअप’ भइसक्यो ।
त्यसो भए, सेक्स अनुभव लिइसक्नुभएको होला है ?
छैन्, त्यस्तो ।
कुन विवाह गर्ने इच्छा छ, मागी विवाह वा प्रेम विवाह ?
हेरौं, समय परिस्थितिले कता डोर्याउँछ । अहिले नै भन्न सकिँदैन ।
तपाईंलाई मन पर्ने एक नायक र एक नायिकाको नाम लिनुपर्दा कसको नाम लिनुहुन्छ ?
नायक अर्पण थापा र नायिका नम्रता श्रेष्ठ ।
आफ्नै नामसँग मिल्ने भएर हो कि ?
हेहेहे.. होइन् त्यस्तो । उहाँ मलाई मन पर्नु हुन्छ । अरु पनि छन् ।
तपाईं कथाले मागेअनुसारको अभिनय गर्न सक्नुहुन्छ ?
सक्छु ।
त्यसो भए कथाले मागेको खण्डमा के के गर्न तयार हुनुहुन्छ ?
सबै सिनका लागि तयार छु, तर, भल्गर लाग्ने किसिमको भने दिँदैन ।
तपाईंलाई मन पर्ने मौसम कुन हो ?
मलाई गर्मी मन पर्छ ।
अनि पहिरन चाँहि ?
गर्मी मौसममा प्राय छोटो पहिरन लगाउनुपर्ने हुन्छ । त्यसैले मलाई छोटो पहिरन मन पर्छ ।
दैनिक नेपालका अंकुश कुँवरसँगको कुराकानी 
